მადრიდის "რეალმა" ჩემპიონთა ლიგის საპასუხო 1/8 ფინალურ მატჩში "ლიონი" დაამარცხა და მთავარი ევროტურნირის მეოთხედფინალში 2004 წლის შემდეგ პირველად გავიდა."რეალისთვის" "ლიონი" ბოლო წლებში კერკეტი კაკალი აღმოჩნდა. შვიდი დაპირისპირებიდან მადრიდელებმა ვერც ერთი ვერ მოიგეს, თუმცა ფრანგებთან გასვლით მატჩში ნათამაშები ფრე "გალაქტიკოსებს" მეოთხედფინალში გასვლის კარგ შანსებს უტოვებდა. "რეალს" შეეძლო თავისთვის ფრთხილად თამაშის უფლება მიეცა, თუმცა მადრიდული პუბლიკა თავისი ფეხბურთელების ასეთ მოქმედებას ალბათ არ მიესალმებოდა და "სამეფო კლუბმაც" აქცენტი შეტევაზე და უპირველესად კრიშტიანო რონალდოზე გააკეთა.
"გალაქტიკოსებმა" სასტარტო წუთებიდანვე მეტოქის დაჯაბვნა სცადეს და საწყის
სტუმრებმა პირველი სახიფათო შეტევის განხორციელება მხოლოდ პირველი ტაიმის შუაგულში შეძლეს, როდესაც დელგადო მარცხენა ფლანგზე გაიჭრა, ცენტრში გადაინაცვლა და შორეულ კუთხეში დაარტყა, მაგრამ კასილასი მოწოდების სიმაღლეზე იდგა. "რეალმა" კრიშტიანო რონალდოს ძლიერი სახიფათო დარტყმით უპასუხა. ლორისს პორტუგალიელის დარტყმის მოსაგერიებლად მთელი ძალისხმევის გამოყენება დასჭირდა.
თუმცა ასე დიდ ხანს ვერ გაგრძელდებოდა. "ლიონი" სულ უფრო ხშირად კარგავდა ბურთს მოედნის ცენტრში, კლუბის დისპეჩერი გურკუფი კი ამ შეხვედრაში საკუთარი თავის ჩრდილს მოგაგონებდათ. ჰავბეკი წინ ზუსტი გადაცემის გაკეთებას ვერ ახერხებდა, არც ჯარიმიდან ჩაწოდება გამოსდიოდა, ამიტომ ფრანგებს მხოლოდ ფლანგური გარღვევების იმედზე ყოფნა უხდებოდათ.
37 წუთზე ლორისის კარში გოლი მაინც გავიდა. მარსელომ ბურთი საჯარიმოს მისადგომებთან მიიღო, რონალდოსთან კედელი გაითამაშა, რომელმაც ბრაზილიელს ბურთი მოძრაობაში გადააწოდა და მას ისღა რჩებოდა, მეტოქის კარი აეღო, რაც გააკეთა კიდეც - 1:0.
66-ე წუთზე თავისი ყოფილი გუნდის ცენტრალური მცველების უხეში შეცდომა ბენზემამ გამოიყენა და ლორისს შანსი არ დაუტოვა - 2:0.
ამ შეხვედრაში გამარჯვებულის ბედი გადაწყვეტილი იყო, რადგან დარჩენილ 25 წუთში "ლიონი" "რეალისთვის" 2 გოლის გამტანი არ ჩანდა.
მაგრამ "ლიონი" მაინც ცდილობდა. მეორე ტაიმში შეცვლაზე შემოსულმა გომესმა კასილასის მზადყოფნა რამდენჯერმე შეამოწმა, მაგრამ ყოველ ჯერზე გოლკიპერმა თავისი გუნდი იხსნა, ერთ-ერთი საპასუხო შეტევის შემდეგ კი ანხელ დი მარიამ ანგარიში გამანადგურებელი გახადა - 3:0.
ყველაზე უსიამოვნო მეტოქის დამარცხებამ "რეალს" ნავსის გატეხვის საშუალება მისცა და ჩემპიონთა ლიგის მეოთხედფინალში გაიყავანა, რაც 2004 წლის შემდეგ არ მომხდარა.
მეოთხეფინალში "რეალი" "ტოტენჰემს", "შახტარს", "ინტერს", "ბარსელონას", "ჩელსის", "შალკეს" და "მანჩესტერ იუნაიტედს" შეუერთდა. თავისი ახალი მეტოქის ვინაობას ჟოზე მოურინიოს შეგირდები პარასკევს შეიტყობენ.
.
ჰალა მადრიდ!!! ჰალა რეალ!!! ჰალაჟოზე!!!!