საათზე მეტს გაუძლო "შალკემ" "მანჩესტერ იუნაიტედის" თავბრუდამხვევ შეტევებს, მაგრამ თავს ზემოთ ძალა აღარ იყო - მანუელ ნოიერმა 67-ე წუთამდე აიღო ყველაფერი, რაც კი მასპინძელთა კარში წავიდა, მაგრამ უეინ რუნის დიდებული პასისა და რაიან გიგზის დარტყმის წინაშე უძლური იყო. საბაიერნოდ გამზადებული მეკარის გმირობებიც აქ დასრულდა, მანჩესტერმა კი "ხუმარებს" "აზრზე მოსვლა" არ აცალა და ორ წუთში უეინ რუნიმ ხავიერ ერნანდესის პასით ანგარიში 2:0 გახადა. საპასუხო მატჩის წინ "მანჩესტერ იუნაიტედი" ცალი ფეხით ჩემპიონთა ლიგის ფინალში ანუ "უემბლიზეა".
"მანჩესტერ იუნაიტედი" ლიგის ფინალში მე-12-ედ ასპარეზობს.
მატჩის გმირმა ლივერპულელმა რუნიმ (გოლი და საგოლე პასი) თამაშის დასრულების შემდეგ "ტვიტერზე" დაწერა, რომ ის გახურებისას "ბითლზს" უსმენდა, რამაც მას საბრძოლო განწყობა დაუბევა. ერთ კვირაში საპასუხო მატჩია - "შალკე" ის გუნდია, რომელმაც "სან სიროზე" 5 გოლი გაიტანა, მაგრამ "ოლდ ტრეფორდზე" წუხანდელი მარცხის შემობრუნება, პროფესორ რალფის ბიჭებს, ვგონებ, არ ძალუძთ.
ჩემპიონთა ლიგა. I ნახევარფინალური მატჩი
შალკე-მანჩესტერ იუნაიტედი 0:2 [იხილეთ ვიდეო]
შალკე (4-4-2): ნოიერი - უჩიდა, მატიპი, მეტცელდერი, სარპეი (73. ესკუდერო) - ფარფანი, პაპადოპულოსი, ხურადო (83. დრაქსლერი), ბაუმიოჰანი (53. კლუგე) - რაული, ედუ.
მანჩესტერი (4-4-2): ვან დერ სარი - ფაბიო, ფერდინანდი, ვიდიჩი, ევრა - ვალენსია, ქერიკი, გიგზი, პარკი (73. სქოულზი) - რუნი (83. ნანი), ერნანდესი (73. ანდერსონი).
გოლები: 0:1 გიგზი (67), 0:2 რუნი (69)
მაყურებელი: 54 142
არბიტრი: კარლოს ველასკო კარბალიო (ესპანეთი)
სტატისტიკა
მატჩი დაიწყო: მანჩესტერი
პირველი კუთხური: მანჩესტერი
პირველი ჯარიმა: მანჩესტერი
პირველი გაფრთხილება: შალკე
9 (5) დარტყმა 18 (10)
12 ჯარიმა 15
3 კუთხური 6
2 გაფრთხილება 1
35% ბურთის ფლობა 65%
