"მანჩესტერ იუნაიტედის" თავდამსხმელმა უეინ რუნიმ სამშაბათს გუნდის ვარჯიში გამოტოვა. ფორვარდს მუხლქვედა მყესის პრობლემა აქვს."უეინი არ ვარჯიშობდა. მას მუხლქვედა მყესებზე პრობლემები აქვს, მაგრამ ჩვენ მის მდგომარეობას თამაშის წინ ტესტზე დავაკვირდებით", - თქვა მანჩესტერელთა მთავარმა მწვრთნელმა ალექს ფერგიუსონმა.
"მანჩესტერ იუნაიტედის" მთავარმა მწვრთნელმა დასძინა, რომ დიმიტარ ბერბატოვი და მაიკლ ოუენი მატჩს ძირითად შემადგენლობაში დაიწყებენ.
შეგახსენებთ, რომ რუნიმ "შალკესთან" (2:0) ჩემპიონთა ლიგის პირველ ნახევარფინალურ შეხვედრაში გოლი გაიტანა და საგოლე გადაცემა შეასრულა.
მომზადებულია Sky Sports-ის მიხედვით
