"ტერეკის" მთავარმა მწვრთნელმა რუდ გულიტმა ჩემპიონთა ლიგის დღევანდელი ფინალის პროგნოზი სახალხოდ გააკეთა. ჰოლანდიელი სპეციალისტის თქმით, "უემბლიზე" "ბარსელონა"-"მანჩესტერ იუნაიტედის" დაპირისპირება კატალონიელთა სასარგებლოდ, ანგარიშით 2:0 დასრულდება."ჩემი აზრით, დღეს "ბარსელონა" უძლიერია. "მანჩესტერ იუნაიტედი" ძალიან გამოცდილი გუნდია, მაგრამ "ბარსა" მოედანზე დომინანტია და ეს ფაქტორი ფინალურ მატჩში განმსაზღვრელი გახდება. სწორედ ამიტომ, გამარჯვებას კატალონიურ კლუბს, ანგარიშით 2:0-ს ვუწინასწარმეტყველებ", - განაცხადა გულიტმა რუსულ გამოცემა "სპორტ ექსპრესთან".
