13 ივლისს "ზესტაფონში" დიდი სტუმრიანობაა. ჩვენი არ იყოს, ჩემპიონთა ლიგის მატჩებმა მოლდოვაშიც დიდი ინტერესი გამოიწვია და "დაჩიას" სოლიდური დელეგაცია ჩამოჰყვება.უკვე დაზუსტებითაა ცნობილი, რომ "დავით აბაშიძეზე" "ზესტაფონისა" და "დაჩიას" დაპირისპირებას მოლდოვის პრემიერ-მინისტრი ვლად ფილატი დაესწრება და გამორიცხული არც ის არის, ზესტაფონში ქვეყნის პრეზიდენტი მარიან ლუპუ ჩავიდეს.
"დაჩიას" 50-კაციანი დელეგაცია იქნება წარმოდგენილი, სადაც კლუბის ხელმძღვანელობასთან ერთად მოლდოველი პოლიტიკოსები და ბიზნესმენებიც იქნებიან. გუნდს 100-მდე ქომაგიც მოჰყვება.
სავარაუდოდ, მოლდოველი ფეხბურთელები ქუთაისში დაბინავდებიან, დელეგაციის წევრები კი თბილისსა და ბათუმში განთავსდებიან.
ყოველდღიური სპორტული გაზეთი "ლელო"
