მართალია, ავსტრიაში გრაცის გუნდის კრიზისზე ხმამაღლა საუბრობენ, რაც ადგილობრივ ბუნდესლიგაში "შტურმის" 0:3 დამარცხებითაა გამოწვეული, მაგრამ გუნდის მთავარი მწვრთნელი ფრანკო ფოდა და ნახევარმცველი პატრიკ ვოლფი თბილისში მიღწეული საყაიმო ანგარიშით კმაყოფილნი არიან და ჩემპიონთა ლიგის პლეი ოფში გასვლას იმედოვნებენ.
"მასმედიაში ჩვენს გუნდში არსებულ კრიზისზე საუბრობენ, მაგრამ მე ასე არ ვფიქრობ, - განაცხადა პატრიკ ვოლფმა, რომელმაც თბილისურ მატჩში გოლის გატანა მოახერხა. - მართალია ბუნდესლიგაში ცუდად ვითამაშეთ, მაგრამ ეს გარკვეულწილად ჩვენი
"შტურმის" კრიტიკა ფრანკო ფოდასთვისაც გაუგებარია: "პირველი მატჩის გამოხმაურებამ გამაკვირვა. არადა, თბილისში კარგ შედეგს მივაღწიეთ, რადგან ევროტურნირებზე მეტოქის მოედანზე გოლის გატანას დიდი მნიშვნელობა აქვს.
მართალია, თბილისში დაცვაზე ვიყავით კონცენტრირებულნი, მაგრამ ამან საბოლოოდ შედეგი მოგვიტანა.
ახლა შინ ვთამაშობთ, სადაც თბილისისგან განსხვავებული კლიმატური პირობებია. აგრესიულად ვითამაშებთ და საგოლე მომენტების გამოყენებას შევეცდებით. დარწმუნებული ვარ, რომ გუნდი საკმაოდ კარგად წარმოაჩენს თავს და შემდეგ ეტაპზე ჩვენ გავალთ".
მომზადებულია sport10.at-ის მიხედვით