"ბარსელონას" ყოფილმა თავკაცმა იოჰან კრუიფმა მადრიდის "რეალის" თამაში გააანალიზა. "სამეფო კლუბს" ჩემპიონთა ლიგის ჯგუფურ ეტაპზე კრუიფისთვის მშობლიურ "აიაქსთან" ელის შეხვედრა.სახელგანთქმული "მფრინავი ჰოლანდიელის" თქმით, "რეალს" სუსტი წერტილები აქვს.
"აიაქსს" ძალიან რთული დაპირისპირება ელის. და მაინც "რეალის" სათამაშო ფილოსოფია ბევრ კითხვას ბადებს. ეს გუნდი დაუმარცხებელი არაა. მისი აქილევსის ქუსლი ნახევარდაცვაა: ამ რგოლში მათ მაღალი კლასის ფეხბურთელები ჰყავთ, თუმცა პოზიციურად არცთუ უნაკლოდ მოქმედებენ.
"აიაქსმა" ამით უნდა ისარგებლოს. თუ სტუმრები მაღალ სათამაშო დისციპლინას წარმოაჩენენ, მოგების შანსი ექნებათ", - განაცხადა კრუიფმა.
მომზადებულია Marca-ს მიხედვით
