მადრიდის "რეალის" მთავარმა მწვრთნელმა ჟოზე მოურინიომ ჩემპიონთა ლიგაში "ლიონთან" შეხვედრამდე განაცხადა, რომ კმაყოფილია თავისი გუნდის შემტევი ხაზით."დიახ, ახლა უკვე შემტევი ხაზის 6 ფეხბურთელი გვყავს. რამდენიმე კვირის წინ კი ზედიზედ ორ მატჩში გოლის გატანას ვერ ვახერხებდით. როცა იგუაინის საქმეები ცუდად მიდიოდა, ყველა გვეკითხებოდა, რატომ არ ვიყიდეთ ზაფხულში აგუერო", - განაცხადა მოურინიომ.
შეგახსენებთ, რომ იგუაინმა ზედიზედ ორ შეხვედრაში ჰეთთრიკი შეასრულა.
"რეალი"-"ლიონის" მატჩი თბილისის დროით დღეს 22:45 საათზე დაიწყება.
მომზადებულია Marca-ს მიხედვით
