"არსენალის" ნახევარმცველმა ტომაშ როსიცკიმ ჩემპიონთა ლიგაში გასამართ შეხვედრამდე განაცხადა, რომ მისი გუნდი ჯგუფში პირველი ადგილის დაკავებას გეგმავს.მისი თქმით "მეთოფეები" არ აპირებენ გასული სეზონის შეცდომები გაიმეორონ.
შეგახსენებთ, რომ გასულ წელს "არსენალმა" ჯგუფში მეორე ადგილი დაიკავა და მერვედფინალში "ბარსელონას" შეხვდა.
"ჩვენი მიზანია ჯგუფში პირველი ადგილი დავიკავოთ. ძალიან კარგად გვახსოვს რა მოხდა წინა წელს და არ ვაპირებთ იგივე შეცდომები გავიმეოროთ. "მარსელი" პირდაპირი კონკურენტია და მატჩი ძალიან რთული იქნება, მაგრამ შევეცდებით სამი ქულა მოვიპოვოთ", - განაცხადა როსიცკიმ.
მომზადებულია AP-ის მიხედვით
