"ბარსელონას" ყოფილმა თავკაცმა მადრიდის "რეალის" მთავარი მწვრთნელის ჟოზე მოურინიოს "ლიონთან" მატჩის შემდეგ ნათქვამზე ისაუბრა.პორტუგალიელმა განაცხადა, რომ "სამეფო კლუბს" ჩემპიონთა ლიგაში უფრო რთული მეტოქეები შეხვდა, ვიდრე სხვა გრანდებს. მოურინიოს თქმით, ზოგიერთი გუნდის ქვეყანას ინტერნეტით ეძებდა, რითაც აშკარად "ბარსელონას" ჯგუფს გადასწვდა.
"არავის აინტერესებს, რას ამბობს მოურინიო. თუმცა გუნდი კარგად თამაშობს და კლუბის ისტორიაში რეკორდებს ამყარებს. ასევე შესანიშნავად თამაშობს "ბარსელონა" და ტიტულებს იგებს", - განაცხადა კრუიფმა.
მომზადებულია Marca-ს მიხედვით
