"ბარსელონას" ნახევარმცველმა სერხიო ბუსკეტსმა აღიარა, რომ "ვიქტორიასთან" ჩემპიონთა ლიგის მატჩში კატალონიელებმა გამარჯვება საბოლოოდ მხოლოდ მეორე გოლის შემდეგ ირწმუნეს. მეორე გოლი "ბარსას" თავდამსხმელმა დავიდ ვილიამ 82-ე წუთზე გაიტანა.
"თამაშს თითქმის მთელი მატჩის მანძილზე ვაკონტროლებდით და სახიფათო მომენტებს ვქმნიდით. მეტოქე ღრმა დაცვაში იყო ჩამჯდარი და გატანა გაგვიჭირდა.
მთავარია, რომ საგოლე მომენტები იქმნება. მხოლოდ ვილიას გოლის შემდეგ დავმშვიდდით", - განაცხადა ბუსკეტსმა.
