"მილანის" ფორვარდი, ზლატან იბრაჰიმოვიჩი "სან-სიროზე" ყველაფრისთვის მზად არის, რომ "ბარსელონასა" და გვარდიოლას დაუმტკიცოს, თუ როგორი ფეხბურთელი დაკარგეს."ეს ფანტასტიკური მატჩი იქნება. ჩვენთან სტუმრად მსოფლიოში საუკეთესო გუნდი ჩამოვა. დიახ, სწორად გამიგეთ. მიუხედავად იმისა, რომ "ბარსაში" კარიერა ვერ ამეწყო, წასვლისას გააზრებული მქონდა, რომ მსოფლიოში კატალონიელებზე უკეთესი გუნდი არავის ჰყავს.
თუმცა "მილანში" ყოფნით ბედნიერი ვარ. აქ თავს ისე ვგრძნობ, როგორც საკუთარ სახლში.
ბევრი მეუბნებოდა, რომ "ინტერისა" და "იუვენტუსის" შემდეგ "სან-სიროზე" არაფერი მესაქმებოდა, მაგრამ აქ კარგად დამხვდნენ", - თქვა იბრაჰიმოვიჩმა.
მომზადებულია Uefa.com-ის მიხედვით
