"მილანის" მთავარმა მწვრთნელმა, მასიმილიანო ალეგრიმ ჩემპიონთა ლიგის მეხუთე ტურის მატჩის წინ, რომელსაც იტალიელები ხვალ "ბარსელონასთან" გამართავენ, განაცხადა, რომ მის შეგირდებს დაცვაში მაქსიმალურად ყურადღებით თამაში მართებთ. სპეციალისტმა ასევე აღნიშნა, რომ შემადგენლობაში ბრაზილიელი თავდამსხმელის ალეშანდრე პატოს დაბრუნება ამ თამაშისთვის სწორედ რომ მისწრება იქნება.
"კატალონიელებთან მატჩის წინ პატოს დაბრუნება ჩვენთვის უაღრესად მნიშვნელოვანია. ხვალ მსოფლიოს უძლიერეს გუნდთან საინტერესო დაპირისპირება გველის. "მილანმა" საკუთარი თამაში უნდა აჩვენოს.
მართალია, ჩვენ ჯგუფიდან გასვლა უკვე განაღდებული გვაქვს და ახლა საკითხავი მხოლოდ ისაა, ვინ დაიკავებს პირველ ადგილს, მაგრამ იმის თქმა,
ჩემს შეგირდებს ტაქტიკურად სწორი თამაშის ჩვენება და დაცვაში განსაკუთრებით ყურადღებით გარჯა მართებთ", - განუცხადა მილანური კლუბის ოფიციალურ საიტს ალეგრიმ.
