"მანჩესტერ იუნაიტედის" თავკაცი ალექს ფერგიუსონი ჩემპიონთა ლიგის ჯგუფური ეტაპის მე-5 ტურის მატჩის შემდგომი პრესკონფერენციიდან ნაადრევად წავიდა. აღნიშნულ პრესკონფერენციაზე ერთ-ერთმა ჟურნალისტმა "წითელი ეშმაკების" მთავარ მწვრთნელს ჰკითხა, თუ რატომ ასპარეზობს პრემიერლიგის ორი წარმომადგენელი "მანჩესტერ იუნაიტედი" და "მანჩესტერ სიტი" ჩემპიონთა ლიგაზე ასე ცუდად. ამის გაგონებაზე ფერგიუსონი ადგა და საპრესკონფერენციო დარბაზი დატოვა.
როგორც ჩანს, შოტლანდიელი სპეციალისტი ამ კითხვამ გაანაწყენა.
მომზადებულია BBC-ის მიხედვით
