ლიგაზე მესის ბენზემა ეტოლება

ჩემპიონთა ლიგის პლეი-ოფამდე ჯერ ცივი და გრძელი ზამთარი გვაქვს გადასატანი, ჯერ არც ლიგის ჯგუფური ეტაპი დასრულებულა, თუმცა პლეი-ოფის 9 მონაწილე ვიცით.

ვინაიდან, ოლიმპიური სისტემა მერვედფინალიდან იწყება, პლეი ოფის მონაწილეთა ნახევარზე მეტი ცნობილია. გასათამაშებელი რჩება 7 საგზური.

პლეი ოფის პირველი ეტაპის კენჭისყრა ბრმა არ იქნება, ჯგუფის პირველადგილოსნები აუცილებლად მეორეადგილოსნებს შეხვდებიან, გამორიცხულია ერთი ქვეყნის წარმომადგენელთა დაპირისპირებაც. ასე რომ, ვთქვათ, "რეალისა" და "ინტერის" დაჯახება, ან "ბარსელონას" და "ბაიერნის" ჯახი არ იქნება.

"ბაიერნი", "ინტერი", "რეალი", "არსენალი" და "ბარსელონა" განთესილები იქნებიან, "მილანი" - განუთესავი. რაც შეეხება, "ბენფიკას", "ლევერკუზენსა" და აპოელ-ს, ისინი გავიდნენ პლეი ოფში, მაგრამ ჯერჯერობით უცნობია, რომელი ადგილით. მოკლედ, "ალიანს არენამდე" (ლიგის ფინალი 19 მაისს მიუნხენში გაიმართება) შორი გზის კონტურები გამოჩნდა.

აღსანიშნავია, რომ კვიპროსული აპოელ-ი ჯგუფური ეტაპის წინ მე-4 კალათში იყო განთესილი, მაგრამ პლეი ოფის საგზური ერთი ტურით ადრე მოიპოვა. "ლევერკუზენმა" მე-3 კალათიდან მოიპოვა საგზური.

წარუმატებლებზეც ვთქვათ: "ვილიარეალმა", "ოცელულმა", "დინამომ", "გენკმა", "ბორუსიამ", "შახტარმა", "ვიქტორიამ" და ბატე-მ, სულ 8 გუნდმა, უკვე გადაიწურეს პლეი ოფში გასვლის შანსები. ყველაზე საოცარი ამ კამპანიაში გერმანიის ჩემპიონის მოხვედრაა.

გადავიდეთ სტატისტიკაზე - ჩემპიონთა ლიგა არასოდეს ყოფილა ის ასპარეზი, სადაც კრიშტიანო რონალდოს ლეო მესის დონეზე გაუბრწყინია.

თუკი ლა ლიგაში მათ შორის დიდი დაუსწრებელი დუელია, ლიგაზე არგენტინელის უპირატესობა აშკარაა. წლევანდელ სეზონში 24 წლის მესის ანგარიშზე 6 გოლი და 3 საგოლე პასია, ხოლო 26 წლის პორტუგალიელის მონაგარი 3 გოლი და 2 საგოლე პასია.

გაცილებით უკეთესი სტატისტიკა რონალდოს თანაგუნდელ ქარიმ ბენზემას აქვს - 4 გოლი, 3 საგოლე პასი. აქვე აღვნიშნავთ, რომ მესი მხოლოდ თანაბომბარდირია, "ბაიერნის" ფორვარდ მარიო გომესსაც 6 გოლი აქვს ანგარიშზე, თანაც არგენტინელზე ტაიმ-ნახევრით ნაკლები აქვს ჩატარებული.

გოლი პლიუს პასის სისტემით მესი პირველია (9 ქულა), მეორეზე კი ბენზემაა (7 ქულა). გომესს ერთი საგოლე პასიც არა აქვს, თუმცა ერთ რამეს გერმანელ ფორვარდს ვერ დაუკარგავ - 10-ჯერ დაარტყა მეტოქეთა კარისკენ ზუსტად და აქედან 6-ჯერ გაიტანა. მესის ანალოგიური მონაცემი ასეთია - 17 ზუსტი დარტყმიდან 6 გოლი. ყველაზე მეტჯერ მესიმ და "პორტუს" ბრაზილიელმა ფორვარდმა ჰალკმა ააცილეს (19-19).

"ტრაბზონის" ფორვარდ ბურაკ ილმაზს "უნიკალური" უნარი აქვს, ყოველ 20 წუთში ერთხელ თამაშგარე მდგომარეობაში მოხვდეს, 26 წლის ილმაზს ჯერ ერთი გოლიც არ გაუტანია.

ყველაზე გამტანი გუნდები ესპანელებს ჰყავთ: "რეალი", "ბარსელონა" და "ვალენსია" ამ მაჩვენებლით ყველას სჯობნიან. ესპანურ გრანდებს საშუალოდ 3,2-3,2 გოლი გააქვთ თამაშში, "ვალენსიას" - 2,4. "გენკმა" სულ 1 გოლი გაიტანა, ბატე-მ, "დინამომ", "ლიონმა", "ვიქტორიამ" და "ვილიარეალმა" - 2-2. "რეალი" ჯერჯერობით საუკეთესოა, როგორც შეტევაში, ისე დაცვაში. "სამეფო კლუბი" მატჩში საშუალოდ 0,4 გოლს უშვებს. ასეთივე მონაცემი მხოლოდ "მარსელს" აქვს. აი, ზაგრების "დინამო" და "გენკი" ერთმანეთს გოლების გაშვებაში ეჯიბრებიან (3-3 საშუალოდ).

ინდივიდუალური სტატისტიკა
გოლები
გოლი ფეხბურთელი გუნდი წუთი
6 მარიო გომესი ბაიერნი 388
6 ლიონელ მესი ბარსელონა 450
5 რობერტო სოლდადო ვალენსია 425
4 სეიდუ დუმბია ცსკა 340
4 ალექსანდერ ფრაი ბაზელი 343
4 ზლატან იბრაჰიმოვიჩი მილანი 360
4 ქარიმ ბენზემა რეალი 390
4 ედინსონ კავანი ნაპოლი 409
4 ჰალკი პორტუ 438

საგოლე პასები
პასი ფეხბურთელი გუნდი წუთი
4 ნიკოლას გაიტანი ბენფიკა 407
3 ფერნანდო ტორესი ჩელსი 342
3 ქარიმ ბენზემა რეალი 390
3 ესეკილ ლავეცი ნაპოლი 416
3 ტონი კროოსი ბაიერნი 434
3 ლიონელ მესი ბარსელონა 450

კარში დარტყმა (ზუსტი)
დარტყ. ფეხბურთელი გუნდი წუთი
17 ლიონელ მესი ბარსელონა 450
13 ჰალკი პორტუ 438
12 კრიშტიანო რონალდო რეალი 360
11 ქარიმ ბენზემა რეალი 390
10 მაურო სარატე ინტერი 329
10 ზლატან იბრაჰიმოვიჩი მილანი 360
10 მარიო გომესი ბაიერნი 388

კარში დარტყმა (არაზუსტი)
დარტყ. ფეხბურთელი გუნდი წუთი
19 ჰალკი პორტუ 438
19 ლიონელ მესი ბარსელონა 450
14 ალექსანდრ ბუხაროვი ზენიტი 240
11 ალექსანდრ კერჟაკოვი ზენიტი 180
10 ქარიმ ბენზემა რეალი 390
10 რენან ბრესანი ბატე 411

თამაშგარე
ოფს. ფეხბურთელი გუნდი წუთი
12 ბაფეტიმბი გომისი ლიონი 393
10 ქარიმ ბენზემა რეალი 390
9 ბურაკ ილმაზი ტრაბზონი 180
9 რობინ ვან პერსი არსენალი 313
8 მარკო შტრელერი ბაზელი 351

ჯარიმა (მათზე)
ჯარ. ფეხბურთელი გუნდი წუთი
23 ფრანკ რიბერი ბაიერნი 431
17 ჯერდან შაჩირი ბაზელი 262
17 ანტონიო ნოჩერინო მილანი 378
17 კევინ მირალიაში ოლიმპიაკ. 435
17 ლიონელ მესი ბარსელონა 450
16 ჰალკი პორტუ 438

ჯარიმა (დაჯარიმდნენ)
ჯარ. ფეხბურთელი გუნდი წუთი
20 დიდიე ზოკორა ტრაბზონი 450
19 შტეფან კისლინგი ლევერკუზენი 421
16 ეიონგ ენო აიაქსი 309
16 ზლატან იბრაჰიმოვიჩი მილანი 360

ყველაზე მეტი გაფრთხილება: 4 - ბენიამინ ჰუგელი (ბაზელი)

გუნდური სტატისტიკა
გოლი
გოლი გუნდი
16 ბარსელონა
16 რეალი
12 ვალენსია
11 ბაიერნი
10 ჩელსი
10 მანჩ. იუნაიტედი

გოლი (მიღებული)
გოლი გუნდი
2 რეალი
2 მარსელი
3 არსენალი

დარტყმა (ზუსტი)
დარტყ. გუნდი
51 რეალი
47 ჩელსი
42 ვალენსია
41 ბარსელონა
40 ბაიერნი

დარტყმა (არაზუსტი)
დარტყ. გუნდი
52 ზენიტი
47 ბარსელონა
45 პორტუ
38 აიაქსი

კუთხური
კუთხ. გუნდი
43 ლილი
40 აიაქსი
35 ბარსელონა
35 შახტარი
32 ბენფიკა
32 პორტუ

ბურთის ფლობა (%)
% გუნდი
67 ბარსელონა
60 მანჩ. იუნაიტედი
59 ვალენსია
58 ბაიერნი
58 მანჩ. სიტი
57 რეალი

ჯარიმა (მათზე)
ჯარ. გუნდი
80 ნაპოლი
79 შახტარი
78 ინტერი
78 ლილი
77 ბაიერნი

ჯარიმა (დაჯარიმდნენ)
90 ოცელული
86 ლევერკუზენი
85 ბაიერნი
85 ოლიმპიაკოსი
85 პორტუ

გაფრთხილება
ყვ. გუნდი
16 პორტუ
16 ვილიარეალი
15 აპოელ
15 დინამო
15 ნაპოლი

გაძევება
წით. გუნდი
2 მარსელი
2 ოცელული
2 შახტარი

ყველაზე მეტი გოლი თამაშში: რეალი-დინამო - 8 (6:2)
ყველაზე მეტი დარტყმა: ვალენსია-გენკი - 21 (7:0)
ყველაზე მეტი აცილება: სიტი-ნაპოლი - 22 (1:1)
ყველაზე მეტი კუთხური: ბატე-ვიქტორია - 18 (0:1)
ყველაზე მეტი თამაშგარე: ტრაბზონი-ცსკა - 12 (0L:0)
ყველაზე მეტი ჯარიმა: პორტუ-აპოელ - 45 (1:1)
ყველაზე მეტი გაფრთხილება: პორტუ-აპოელ - 11 (1:1)

ყოველდღიური სპორტული გაზეთი "ლელო"