"ბარსელონას" მთავარი მწვრთნელი ხოსეპ გვარდიოლა ჩემპიონთა ლიგის ჯგუფური ეტაპის მე-6 ტურში "ბატესთან" მატჩისთვის აპირებს მოედანზე გუნდის სარეზერვო ფეხბურთელები გამოიყვანოს.ბელორუსის ჩემპიონთან სათამაშოდ "ბარსელონა ბ"-ს 11 ფეხბურთელი ემზადება. მათ შორისაა თავდამსხმელი ისააკ კუენკა, ნახევარმცველები მარტი რივეროლა და ჯონათან დოს სანტოსი, მცველი მარტინ მონტოია და სხვა ფეხბურთელები.
"ბატესთან" შეხვედრაში გვარდიოლას ძირითადი შემადგენლობის 7 ფეხბურთელის იმედი ექნება: დანიელ ალვეში, ჟერარდ პიკე, ტიაგო ალკანტარა, მაქსველი, ფონტასი, პედრო და ადრიანო.
მომზადებულია fcbarcelona.com-ის მიხედვით
