"ვალენსიას" შემტევმა ნახევარმცველმა, ტინო კოსტამ თავისი გუნდის მიზნებზე ისაუბრა, რომელიც ჩემპიონთა ლიგის ჯგუფური ეტაპის მეექვსე ტურში, "ჩელსის" სტუმრად დამარცხებას გულისხმობს."ჩვენ აქ გასამარჯვებლად ჩამოვედით. ვიცით, რომ ხელს ფრეც გვაძლევს, მაგრამ იმასაც კარგად ვხვდებით, რომ "ჩელსი" მოსაგებად იბრძოლებს. სწორედ ამით უნდა ვისარგებლოთ. იოლი ბრძოლა არ გველოდება, მაგრამ თავდაჯერებულები ვართ - უნდა მოვიგოთ.
ჩვენ "ჩელსის" თამაშების ვიდეოჩანაწერები განვიხილეთ, თუმცა საკუთარ სტილს არ გადავუხვევთ. გუნდის ყველა ფეხბურთელი 100 პროცენტით მზადაა", - განუცხადა კოსტამ უეფას ოფიციალურ საიტს.
