"ბარსელონას" გოლკიპერმა, ვიქტორ ვალდესმა ლევერკუზენის "ბაიერთან" პირველი მერვედფინალური მატჩის შემდეგ განაცხადა, რომ მისი პარტნიორები შეხვედრის მსვლელობას აკონტროლებდნენ. მისი თქმით, კატალონიელებმა გერმანიაში სწორედ ამის წყალობით გაიმარჯვეს.
"გერმანული გუნდები ყოველთვის ძალიან საშიშები არიან. გამარჯვება მოვახერხეთ, რადგან ჩვენი გუნდი შეხვედრის მსვლელობას აკონტროლებდა.
მაგრამ არც საპასუხო დაპირისპირება უნდა დაგვავიწყდეს. დიახ, ეჭვგარეშეა, რომ კარგ შედეგს მივაღწიეთ, თუმცა ახლა საქმე ლოგიკურ დასასრულამდე უნდა მივიყვანოთ".
