"ნაპოლის" მთავარმა მწვრთნელმა ვალტერ მაძარიმ ლონდონის "ჩელსისთან" ჩემპიონთა ლიგის 1/8 ფინალურ დაპირისპირებაზე ისაუბრა."გვიპირისპირდება "ჩელსი" - გუნდი, რომელმაც უეფას ჩემპიონთა ლიგაში ასზე მეტი თამაში ჩაატარა, როდესაც "ნაპოლის" მხოლოდ ექვსი შეხვედრა აქვს ნათამაშები. ამიტომ ჩვენ ფავორიტად არავინ მიგვიჩნევს.
იმედი მაქვს, "ჩელსი" თავის თამაშს ვერ იპოვნის, რადგან სხვა შემთხვევაში ძალიან გაგვიჭირდება. მინდა ჩემმა მოთამაშეებმა განსაკუთრებული განწყობით ითამაშონ, მთელი მატჩის მანძილზე ყურადღებით იყვნენ. სიფრთხილე უნდა შევინარჩუნოთ და "ჩელსის" კონტრშეტევაზე გამოჭერის საშუალება არ უნდა მივცეთ.
თუ ჩვენს საუკეთესო ფეხბურთს ვანახებთ, შედეგის მიღწევა შეგვიძლია. უბრალოდ
მნიშვნელოვანია, რომ "ჩელსიმ" ჩვენსავე მოედანზე არ გაგვიტანოს. რა თქმა უნდა, კარგი იქნება თუ ჩვენ გავიტანთ. "სან პაოლოზე" ნებისმიერ შემთხვევაში საოცარი ატმოსფერო იქნება. როდესაც ასეთ მატჩებს ვთამაშობთ, ჩვენს გულშემატკივრებს ევროპაში ვერავინ შეედრება", - განაცხადა მაძარიმ.
მომზადებულია uefa.com-ის მიხედვით
