მადრიდის "რეალის" თავდამსხმელმა ქარიმ ბენზემამ, რომელიც მოსკოვის ცსკა-თან (1:1) ჩემპიონთა ლიგის პირველ მერვედფინალურ მატჩში დაშავდა, ვარჯიში განაახლა. ადრე იუწყებოდნენ, რომ ბენზემა მოსკოველებთან საპასუხო შეხვედრას აუცილებლად გამოტოვებდა, რომელიც 14 მარტს მადრიდში გაიმართება. თუმცა ახლა ექიმები ამტკიცებენ, რომ გამოჯანმრთელების პროცესი სწრაფად მიმდინარეობს და ფეხბურთელი სრულად აღდგენას შეძლებს.
