"ლევერკუზენის" მთავარმა მწვრთნელმა რობინ დუტმა "ბარსელონასთან" (1:7) ჩემპიონთა ლიგაში განცდილი გამანადგურებელი მარცხის შესახებ ისაუბრა."ეს მარცხი ჩვენთვის ძალიან მტკივნეული იყო, მიუხედავად იმისა, რომ მეტოქე "ბარსელონა" იყო. სიმართლეს თვალებში უნდა შევხედოთ - კატალონიელები ძალიან ძლიერები არიან.
ვცდილობდით იმ სისწრაფით გვეთამაშა, როგორსაც "ბარსელონა" გვთავაზობდა და ამის გამო დავისაჯეთ. ყველაფერი შეიძლება მოხდეს, როცა ასეთ გუნდს ეთამაშები.
"ბარსელონა" იდეალურად თამაშობს. მატჩის შემდეგ გვარდიოლას ვუთხარი, რომ მისი გუნდი ჩემპიონთა ლიგის ფინალში იქნება", - თქვა დუტმა.
მომზადებულია uefa.com-ის მიხედვით
