"ნაპოლის" ნახევარმცველმა მარეკ ჰამშიკმა ლონდონის "ჩელსისთან" ჩემპიონთა ლიგის საპასუხო 1/8 ფინალური მატჩის წინ აღნიშნა, რომ ამ დაპირისპირების ბედი მხოლოდ ნეაპოლელებზეა დამოკიდებული."სან პაოლოზე" "ჩელსის" გაუმართლა. ჩვენ კიდევ მინიმუმ ერთ ბურთს ვიმსახურებდით. "სტემფორდ ბრიჯზე" იმისთვისღა მივდივართ, რომ თამაშისგან სიამოვნება მივიღოთ.
ჩვენი გუნდი თავდაჯერებულია. სიმშვიდე უნდა შევინარჩუნოთ. თითქმის ყველაფერი ჩვენსავე ხელშია", - აღნიშნა ჰამშიკმა.
შეგახსნეებთ, რომ იტალიაში გამართულ პირველ შეხვედრაში "ნაპოლიმ" "ჩელსი" 3:1 დაამარცხა. საპასუხო შეხვედრა 14 მარტს ინგლისში გაიმართება.
