"ნაპოლის" თავდამსხმელმა ედინსონ კავანიმ ლონდონის "ჩელსისთან" ჩემპიონთა ლიგის საპასუხო მერვედფინალური მატჩის წინ იმაზე ისაუბრა, თუ რას ელის ამ დაპირისპირებისგან."სტემფორდ ბრიჯზე" გოლის გატანა ჩვენთვის შემდეგ ეტაპზე გასვლას ნიშნავს. "სან პაოლოზე" დავამტკიცეთ, რომ სირთულეების გადალახვა შეგვიძლია.
ლონდონში არანაკლები თავდადებით უნდა ვითამაშოთ. ინგლისური გუნდები ევროთასების საშინაო მატჩებს ძალიან მძლავრად ატარებენ, შემტევ გუნდებად გარდაიქმნებიან.
პირველივე წუთებიდან გააზრებულად უნდა ვიმოქმედოთ. რაც "არსენალისა" და "მილანის" მატჩში მოხდა - ჩვენთვის გაფრთხილებაა.
ახლა სეზონის საუკეთესო პერიოდი გვაქვს. საპასუხო თამაშის წინ გუნდში ძალიან დადებითი განწყობაა", - განაცხადა კავანიმ.
