"ნაპოლის" მცველმა პაოლო კანავარომ "ჩელსისთან" დამარცხების შემდეგ აღნიშნა, რომ ნეაპოლელები ყველაფერს გააკეთებენ, რათა მთავარ ევროტურნირზე კვლავ მოხვდნენ."ასე წაგება ძალიან მტკივნეულია. დაპირისპირების ბედის შესაცვლელად რამდენიმე შანსი გვქონდა, მაგრამ ტურნირს მაინც თავაწეულები ვტოვებთ.
ტერის მიერ გატანილი მეორე გოლის შემდეგ გუნდში ურთიერთგაუგებრობა წარმოიქმნა, მაგრამ ყველაფერი ხდება.
სერია A-ში მესამე ადგილის დაკავება ადრეც გვსურდა, მაგრამ ამ მატჩის შემდეგ ამის გაკეთება უფრო მეტად გვინდა, რადგან ასეთ მატჩებში ასეთ არენებზე მონაწილეობა არაჩვეულებრივია", - განაცხადა პაოლო კანავარომ.
