"ბარსელონას" გოლკიპერი ვიქტორ ვალდესი ჩემპიონთა ლიგის მეოთხედფინალში "მილანთან" იოლ დაპირისპირებას არ ელის.ესპანეთისა და იტალიის მოქმედი ჩემპიონები ერთმანეთს ჯგუფურ ეტაპზეც შეხვდნენ. პირველი მატჩი "კამპ ნოუზე" გაიმართა და შედეგიანი ფრეთი (2:2) დასრულდა. საპასუხო მატჩში "სან სიროზე" "ბლაუგრანამ" 3:2 გაიმარჯვა.
"ბარსელონას" მომგებიანი სერია ყველა ტურნირზე 9 მატჩს ითვლის. ასეა თუ ისე, კატალონიელთა მეკარე ვიქტორ ვალდესი "როსონერის" ფეხბურთელებთან" დაძაბულ დაპირისპირებას მოელის.
"მილანი" ყოველთვის ძალიან საშიშია. ამაში ჯგუფურ ეტაპზე დავრწმუნდით. ევროპის ერთ-ერთ საუკეთესო კლუბთან დაპირისპირება რთული იქნება".
"ბარსელონას" გოლკიპერმა თავისი აზრი ესპანეთის ჩემპიონის ტიტულისთვის
"ახლა ლიდერს 6 ქულით ჩამოვრჩებით, მაგრამ არაფრის შეცვლას არ ვაპირებთ. ისეთივე ფეხბურთს ვითამაშებთ, როგორსაც ათქულიანი ჩამორჩენისას ვთამაშობდით და კვლავაც თითოეულ მეტოქესთან სამი ქულის აღებას შევეცდებით", - თქვა ვალდესმა.
მომზადებულია goal.com-ის მიხედვით
