ლონდონის "ჩელსის" ნახევარმცველმა ფრენკ ლემპარდმა განაცხადა, რომ "ბარსელონასთან" ჩემპიონთა ლიგის ნახევარფინალში თავისი გუნდის გამარჯვებისა სჯერა."ჩვენ "ბარსელონასთან" ანგარიში გვაქვს გასასწორებელი. რა თქმა უნდა, კატალონიელებს პატივი უნდა ვცეთ, რადგან ისინი მსოფლიოს საუკეთესო გუნდს წარმოადგენენ.
კარგად გვახსოვს მათთან ჩვენი ბოლო თამაშიც, მაგრამ ეს ახლა სხვა დაპირისპირებაა.
რაც შეეხება "ბენფიკასთან" თამაშს, ვიტყვი, რომ ის საკმაოდ რთული გამოდგა. მიუხედავად გატანილი გოლისა, თავს მშვიდად ვერ ვგრძნობდით", - განაცხადა ლემპარდმა.
