მადრიდის "რეალის" პორტუგალიელმა თავკაცმა ჟოზე მოურინიომ განაცხადა, რომ მისი კლუბის მიუნხენის "ბაიერნთან" დაპირისპირების ისტორიას 17 აპრილს გასამართი მატჩისთვის არანაირი მნიშვნელობა არ აქვს."ამ შეხვედრაში ისტორიას მნიშვნელობა არ ექნება. ამ მატჩს "ბაიერნისა" და "რეალის" ადრინდელ დაპირისპირებებთან საერთო არაფერი აქვს.
ეს ნახევარფინალია და ყველას უნდა, ფინალში გავიდეს. თითოეულ მოთამაშეს უმაღლესი მოტივაცია ექნება.
"ბაიერნს" "ალიანს არენაზე" ფინალში თამაში ძალიან უნდა, ჩვენ კი ზედიზედ მეორედ ფინალამდე ერთი ნაბიჯი გვაშორებს და ისევ ამ ეტაპზე გაჩერება არ გვსურს", - განაცხადა მოურინიომ.
