17.04. ჩემპიონთა ლიგა. ნახევარფინალი. I მატჩი
ვიდეო ბაიერნი-რეალი 2:1 (იხილეთ ვიდეო)
გოლები: 1:0 რიბერი (17), 1:1 იოზილი (53), 2:1 გომესი (90)
ბაიერნი (4-2-3-1): ნოიერი - ლამი, ბოატენგი, ბადშტუბერი, ალაბა - ლუის გუსტავო, შვაინშტაიგერი (61. მიულერი) - რობენი, კროოსი, რიბერი - გომესი.
რეალი (4-2-3-1): კასილიასი - არბელოა, პეპე, სერხიო რამოსი, ფ. კოენტრაო - ჩაბი ალონსო, ხედირა - დი მარია (79. გრანერო), იოზილი (69. მარსელო), რონალდო - ბენზემა (84. იგუაინი).
გაფრთხილება: ბადშტუბერი, რობენი, ლამი - ჩაბი ალონსო, ფ. კოენტრაო, დი მარია, სერხიო რამოსი, იგუაინი,
კუთხური: 6-4; ჯარიმა: 20-13; თამაშგარე: 0-1; კარში დარტყმა: 10-6 (4-3); ბურთის ფლობა: 49%-51%.
მაყურებელი: 66 000
საპასუხო მატჩი 25 აპრილს
7 წთ: მესუთ იოზილის დიდებული პასით საჯარიმოში ქარიმ ბენზემა შეიჭრა. მანუელ ნოიერმა გუნდი აშკარა გოლისგან იხსნა.
15 წთ: საკამათო ეპიზოდი - ჰოვარდ ვებმა არ დანიშნა პენალტი "რეალის" კარში, სერხიო რამოსი თითქოს ხელით იჭერდა ფრანკ რიბერის.
17 წთ: 1:0 - ტონი კროოსმა კუთხური ჩააწოდა, სერხიო რამოსმა ბურთი ხეირიანად ვერ გამოიტანა და ფრანკ რიბერიმ ყუმბარისებური დარტყმით გაიტანა.
40 წთ: კვლავ ქარიმ ბენზემა დასარტყამ პოზიციაზე. დუელში ისევ ნოიერმა იმარჯვა. ამჯერად უფრო იოლად დაეუფლა ბურთს.
53 წთ: 1:1 - ბენზემამ მეკარესთან პირისპირ გაიყვანა კრიშტიანო რონალდო. პორტუგალიელმა ცუდად დაარტყა და მეკარემ მოიგერია, თუმცა "რეალის" შეტევა გაგრძელდა და რონალდომ იოზილს დაუგორა.
71 წთ: მარიო გომესმა ახლო მანძილიდან ააცილა.
82 წთ: "ბაიერნი" ითხოვდა პენალტს, თუმცა გამეორებაზე გამოჩნდა, რომ კოენტრაომ პეპეს ბურთი მკერდში გაარტყა.
87 წთ: გერმანელები ისევ პენალტს ითხოვდნენ, გომესს ბურთი კოენტრაომ და რამოსმა ერთობლივი ძალებით წაართვეს. პორტუგალიელი ჯარიმის ზღვარზე თამაშობდა.
90 წთ: 2:1 - ლამის ჩაწოდება, არბელოას გომესმა დაასწრო ახლო მანძილიდან.
მადრიდის "რეალს" ზედიზედ 21 თამაშია, სტუმრად არ წაუგია და წააგო. ალბათ იმიტომ, რომ ასეთ ძლიერ გუნდს არ შეხვედრია.
შესაძლოა იმიტომაც, რომ კონცენტრაცია ბოლო წუთებზე არ ეყო და დაცვის მარცხენა ფლანგი შეხვედრის ბოლო წუთზე კიდევ ერთხელ გაერღვა - კაპიტანმა ფილიპ ლამმა ჩააწოდა და მცველებთან ბრძოლაში მარიო გომესმა იმარჯვა. მან ჩემპიონთა ლიგაში მე-12 გოლი გაიტანა.
რომ არა ეს გოლი, ვიტყოდით, რომ "რეალი" წყვილის ფავორიტი გახდა - მოურინიოს გუნდმა რიბერის გასროლას იოზილის გოლით უპასუხა - მაგრამ ამ შემთხვევაში ყველაფერი თავიდან იწყება. "ბაიერნს" საპასუხო მატჩი მტრულ "სანტიაგო ბერნებეუზე" ელის, ხოლო "რეალს" ერთბურთიანი ჩამორჩენა აქვს "ამოსაქაჩი".
სხვათა შორის, "რეალის" ფეხბურთელებმა აღმოაჩინეს, რომ ვიღაცას მათი ბუცები მოეპარა - სულ 6 წყვილი, აქედან 3 წყვილი კრიშტიანო რონალდოს საკუთრება.
დაბოლოს, ერთი რიტორიკული კითხვაც: მარსელო არბიტრ ჰოვარდ ვების ახლო ნათესავია? არადა, თმის ვარცხნილობით კაციშვილი ვერ იფიქრებდა ამას.
კომენტარები
ჟოზე მოურინიო: მიუნხენის "ბაიერნმა" პირველი გოლი თამაშგარედან გაიტანა
არიენ რობენი: 2:1 ცუდი შედეგი არაა
ფრენკ რიბერი: სამწუხაროდ, მადრიდის "რეალთან" გოლი მაინც გავუშვით
მესუთ იოზილი: გული მიგრძნობს, მიუნხენში კიდევ ვითამაშებთ
თომას მიულერი: მარსელო მხოლოდ ჩემთვის ფეხის ჩარტყმაზე ფიქრობდა
იკერ კასილიასი: მიუნხენის "ბაიერნისთვის" უნდა მოგვეგო
ჰოგელ ბადშტუბერი: მადრიდის "რეალთან" მატჩში დასაკარგი არაფერი გვექნება
ანხელ დი მარია: ჩემპიონთა ლიგის ფინალში გასვლა შეგვიძლია
ყოველდღიური სპორტული გაზეთი "ლელო"
ან მსაჯიო რო ცერს ვიღაცა. ტელევიზორი უკუღმა გედგა:)) ორი პენალტი რომლის დანიშვნა შეილებოდა. რა უნდოდა კოენტრაოს უბურთო გომესი(რამოსმა აართვა დააპატკატა) რო წააქცია. ეგ იყო ჯარიმა და საჯარიმოში ჯარიმა პენალია ეე ალიოოო:)))