ლონდონის "ჩელსის" ნახევარმცველმა რამირესმა "ბარსელონასთან" ჩემპიონთა ლიგის ნახევარფინალის საპასუხო მატჩზე ისაუბრა."გავალთ თუ არა ფინალში, მხოლოდ ჩვენზეა დამოკიდებული. შეიძლება ითქვას, ეს მოტივაციის საკითხია. ძალიან რთული იქნება, მაგრამ "ბენფიკასთანაც" რთული იყო. მიუხედავად ამისა, პორტუგალიელების ბარიერი გადავლახეთ. ისინი ისევე, როგორც "ბარსელონა", ბურთის დიდხანს გათამაშების მოყვარულნი არიან, თუმცა ამას ჩვენთვის მოგებაში ხელში არ შეუშლია.
კატალონიელთა სიძლიერე ჩვენი ფინალში გასვლის სურვილის პირდაპირპროპორციულია. თუ დაცვაში სათანადოდ ვითამაშებთ და შეტევაში საკუთარ შანსებს გამოვიყენებთ, "ბარსელონას" გადავლახავთ", - განაცხადა რამირესმა.
მომზადებულია Goal.com-ის მიხედვით
