ლონდონის "ჩელსის" ნახევარმცველ ფრენკ ლემპარდს სურს, რომ რობერტო დიმატეო "ჩელსის" სათავეში მომავალშიც დარჩეს."დი მატეოს მომავალზე არაფერი ვიცი. დღეს ეს საკითხი აქტუალური არ არის. ამას კლუბის ხელმძღვანელობა გადაწყვეტს. მაგრამ როგორც არ უნდა მოხდეს, ის ამ სამუშაოს სავსებით იმსახურებს.
შეუძლებელია გადმოსცე, რას ნიშნავს ეს გამარჯვება ჩვენთვის. მასთან წარსულშიც ძალიან ახლოს ვიყავით, ახლა ბოლოსდაბოლოს მისი მიღწევა შევძელით", - განაცხადა ლონდონელთა ნახევარმცველმა.
