20 ნოემბერს ჩემპიონთა ლიგის ჯგუფური ეტაპის მეხუთე ტურში ტურინის "იუვენტუსი" ლონდონის "ჩელსის" უმასპინძლებს. მომავალ მატჩზე კომენტარი იტალიელთა ნახევარმცველმა კლაუდიო მარკიზიომ "ფუტბოლ იტალიასთან" გააკეთა: "შეიძლება ითქვას, "ჩელსის" ჩემპიონთა ლიგაში თამაშის მეტი გამოცდილება აქვს, რადგან ჩვენ ამ ტურნირში რამდენიმე წელია, არ გვიასპარეზია.
თუმცა, ჩვენ ბევრი ისეთი ფეხბურთელი გვყავს, რომლებსაც საერთაშორისო მატჩებში თამაშის დიდი გამოცდილება აქვთ. ასე რომ, შეხვედრისთვის მზად ვართ.
ევროპის მოქმედ ჩემპიონებთან დაპირისპირება გველის, რომლებმაც შემადგენლობა ზაფხულში სერიოზულად გააძლიერეს. "ჩელსიში" ერთი ფეხბურთელის გამორჩევა ძნელია - ეს კოლექტივი ძლიერია გუნდური თამაშით, რამაც
ამრიგად, ლონდონურ კლუბს პატივისცემით ვეპყრობით, მაგრამ მათი დამარცხება გვწადია", - თქვა მარკიზიომ.
ასევე იხილეთ:
რობერტო დი მატეო: "იუვენტუსთან" საინტერესო და სანახაობრივ ფეხბურთს ვიხილავთ
ჩემპიონთა ლიგა. ჯგუფური ეტაპი. V ტური. სამშაბათის მატჩების წინ
