6 დეკემბერს, უეფას აღმასკომის სხდომაზე, რომელიც ლოზანაში მიმდინარეობს, ჩემპიონთა ლიგის 2014/15 წლებისა და 2015/16 წლების გათამაშებების ფინალების მასპინძელი ქალაქები გაირკვა.ევროპული პრესის ინფორმაციით, მთავარი ევროპული საკლუბო ტურნირის 2014/15 წლების სეზონის გადამწყვეტი მატჩი ბერლინში, "ოლიმპიაშტადიონზე" გაიმართება, ხოლო ერთი წლის შემდეგ საფინალო შეხვედრას მილანი და "სან სირო" მიიღებენ.
ამ ინფორმაციას უეფა სულ მალე დაადასტურებს.
შეგახსენებთ, რომ ჩემპიონთა ლიგის მიმდინარე გათამაშების ფინალი ლონდონის სტადიონ "უემბლიზე" გაიმართება, ერთი წლის შემდეგ კი გადამწყვეტ მატჩს ლისაბონში "და ლუჟი" უმასპინძლებს.
