12 აპრილს ინგლისში "მანჩესტერ სიტისა" და პსჟ-ს შორის ჩემპიონთა ლიგის საპასუხო მეოთხედფინალური შეხვედრა გაიმართა."სიტიმ" პსჟ მინიმალური ანგარიშით დაამარცხა და შემდეგ ეტაპზე გავიდა. შეგახსენებთ, რომ პირველი შეხვედრა პარიზში ფრედ ანგარიშით 2:2 დასრულდა.
შეხვედრის 30-ე წუთზე მასპინძლებს ანგარიშის გახსნის შესანიშნავი შანსი მიეცათ. პარიზელების კართან 11-მეტრიანი დარტყმა დაინიშნა, რომლის შესრულება სერგიო აგუერომ ითავა, თუმცა ბურთი კარს ააცილა.
"ქალაქელებმა" გოლის გატანა 76-ე წუთზე შეძლეს. გოლის ავტორი კევინ დე ბრიუნე გახდა. საბოლოოდ "სიტიმ" მეტოქე ანგარიშით 1:0 დაამარცხა და ნახევარფინალის საგზური მოიპოვა.
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
