"კოპენჰაგენის" კაპიტანმა იესპერ გრონკიაერმა ჩემპიონთა ლიგის 1/8 ფინალური მატჩის წინ იმედი გამოთქვა, რომ მისი გუნდი შინ დამაკმაყოფილებელი შედეგის მიღწევას შეძლებს."კენჭისყრის წინ არ გვინდოდა, რომ მეტოქედ "ჩელსი" შეგვხვედროდა.
მათ შემადგენლობაში ბევრი მაღალი კლასის მოთამაშე ჰყავთ. ამასთან ჩვენეული მანერით თამაშობენ, აქცენტს ძალისმიერ ფეხბურთზე აკეთებენ.
დადებით გარემოებად მიმაჩნია, რომ პირველ მატჩს შინ ვატარებთ. გულშემატკივრების მხარდაჭერით კარგი შესაძლებლობა გვაქვს, რომ დადებით შედეგს მივაღწიოთ", - განაცხადა გრონკიაერმა.
მომზადებულია uefa.com-ის მიხედვით
.
