"ბაიერნის" ნახევარმცველმა არიენ რობენმა "ინტერთან" (1:0) გამარჯვების შემდეგ განაცხადა, რომ სტუმრად წარმატება მიუნხენელებს საპასუხო შეხვედრის წინ, რომელიც ორი კვირის შემდეგ გაიმართება, მოშვების საშუალებას არ აძლევს. მილანში გამართული მატჩი ორმხრივი სახიფათო მომენტებით მიმდინარეობდა და ერთადერთი გოლი 90-ე წუთზე გავიდა, რომლის ავტორიც მარიო გომესი გახდა."ერთი წამით არ უნდა შევჩერდეთ და წინ წავიდეთ. ახლა "ინტერი" ჩვენ მოედანზეც უნდა დავამარცხოთ. მილანელები, წაგების მიუხედავად, სერიოზულ მეტოქედ რჩებიან. გერმანიაში კარგად უნდა ვითამაშოთ და შემდეგ ეტაპზე გავიდეთ", - განაცხადა რობენმა.
მომზადებულია Deutsche Welle-ს მიხედვით
.
