ევროპალიგა დიდი სკანდალით იწყება

დღეს ევროპალიგის ჯგუფური ეტაპი იწყება - 12 ჯგუფის 24 მატჩია. საფეხბურთო ევროპაში დიდი სკანდალია - უეფამ შეჯიბრებიდან მოკვეთა შვეიცარიული "სიონი", რადგან ამ კლუბმა პლეი ოფში 5 ისეთი ფეხბურთელი ათამაშა, რომელთაც სატრანსფერო შეზღუდვის გამო ამის უფლება არ ჰქონიათ.

შეგახსენებთ, რომ ამ ეტაპზე "სიონმა" ორი მატჩის ჯამში 3:1 დაამარცხა შოტლანდიური "სელტიკი" და ჯგუფური ეტაპის საგზური მოიპოვა. შვეიცარიელები მადრიდში გაფრენას გეგმავდნენ, როცა უეფას სასჯელის შესახებ შეიტყვეს. რა თქმა უნდა, მათ გაასაჩივრეს განაჩენი, მაგრამ უეფა შეუვალი იყო - დისკვალიფიკაცია ძალაში დატოვა - მადრიდში კი შვეიცარიელების ნაცვლად შოტლანდიელები გაფრინდნენ.

"სიონი" გაჩერებას არ აპირებს და უეფას სამოქალაქო სასამართლოში უჩივის, ისინი კომპენსაციის სახით 4 მილიონ ევროს ითხოვენ. მოკლედ, გაგრძელება უსათუოდ იქნება.

ჯგუფურ ეტაპზე სამი ქართველი ითამაშებს: რუსული "რუბინის" განაცხადშია სოლომონ კვერკველია, "შტურმში" ითამაშებს გიორგი ფოფხაძე და ებრაული "მაქაბის" ღირსებას დაიცავს ლადო დვალიშვილი. კვერკველიას "რუბინი" ირლანდიაში ჩადის, სადაც დებიუტანტ "შემროკ როვერსს" სტუმრობს. ჰაიფელები კვიპროსულ აეკ-ს მასპინძლობენ, ხოლო "შტურმი" გრაცში მოსკოვის "ლოკომოტივს" მიიღებს.


A ჯგუფი
პაოკ (საბერძნეთი)-ტოტენჰემი (ინგლისი) 21:00
შემროკი (ირლანდია)-რუბინი (რუსეთი) 21:00

B ჯგუფი
ჰანოვერი (გერმანია)-სტანდარდი (ბელგია) 21:00
კოპენჰაგენი (დანია)-ვორსკლა (უკრაინა) 21:00

C ჯგუფი
ჰაპოელი თ. (ისრაელი)-რაპიდი (რუმინეთი) 21:00
პსვ (ჰოლანდია)-ლეგია (პოლონეთი) 21:00

D ჯგუფი
ციურიხი (შვეიცარია)-სპორტინგი (პორტუგალია) 21:00
ლაციო (იტალია)-ვასლუი (რუმინეთი) 21:00

E ჯგუფი
დინამო (უკრაინა)-სტოკი (ინგლისი) 21:00
ბეშიქთაში (თურქეთი)-მაქაბი თ. (ისრაელი) 21:00

F ჯგუფი
სლოვანი (სლოვაკეთი)-ბილბაო (ესპანეთი) 21:00
პსჟ (საფრანგეთი)-ზალცბურგი (ავსტრია) 21:00

G ჯგუფი
ალკმაარი (ჰოლანდია)-მალმიო (შვედეთი) 23:05
აუსტრია (ავსტრია)-მეტალისტი (უკრაინა) 23:05

H ჯგუფი
ბრიუგე (ბელგია)-მარიბორი (სლოვენია) 23:05
ბირმინგემი (ინგლისი)-ბრაგა (პორტუგალია) 23:05

I ჯგუფი
ატლეტიკო (ესპანეთი)-სელტიკი (შოტლანდია) 23:05
უდინეზე (იტალია)-რენი (საფრანგეთი) 23:05

J ჯგუფი
მაქაბი ჰ (ისრაელი)-აეკ (კვიპროსი) 23:05
სტიაუა (რუმინეთი)-შალკე (გერმანია) 23:05

K ჯგუფი
ვისლა (პოლონეთი)-ოდენსე (დანია) 23:05
ფულჰემი (ინგლისი)-ტვენტე (ჰოლანდია) 23:05

L ჯგუფი
შტურმი (ავსტრია)-ლოკომოტივი (რუსეთი) 23:05
ანდერლეხტი (ბელგია)-აეკ (საბერძნეთი) 23:05

ყოველდღიური სპორტული გაზეთი "ლელო"