ევროპის ლიგის 1/16 ფინალის საპასუხო მატჩები 22 თებერვალს "მანჩესტერ სიტისა" და "პორტუს" დაპირისპირებით დაიწყო, დანარჩენი შეხვედრები კი 23 თებერვალს გაიმართა. 
ვიდეო რობერტო მანჩინის შეგირდებმა პორტუგალიურ გრანდს და ევროპის ლიგის მოქმედ ჩემპიონს საკუთარ კედლებში "გადაუარეს" და 4:0 გაიმარჯვეს. აღსანიშნავია, რომ ამ შეხვედრაში ანგარიში სერხიო აგუერომ მე-19-ე წამზე გახსნა.
23 თებერვალს გამართული შეხვედრებიდან გამოსარჩევი რამდენიმე მატჩია. "მანჩესტერ იუნაიტედმა" ამსტერდამის "აიქსთან" პირველ შეხვედრაში მოპივებული ორბურთიანი უპირატესობა კინაღამ ქარს გაატანა.
მასპინძლები ხავიერ ერნანდესის გოლით მეექვსე წუთზე დაწინაურდნენ, მაგრამ ჰოლანდიელებმა ანგარიში პირველივე ტაიმში გაათანაბრეს, მატჩის მიწურულს,
მატჩის შემდეგ მანჩესტერელთა თავაკაცმა განაცხადა:
"დასასრული ძალიან ნერვიული გამოდგა. მეორე ტაიმში მეტოქე ჩვენზე გაცილებით უკეთ თამაშობდა. დამარცხებაზე პასუხისმგებლობას საკუთარ თავზე ვიღებ.
ძალიან ბევრი ახალგაზრდა მოთამაშე დავაყენე, განსაკუთრებით დაცვაში. მათ პოტენციალი გააჩნიათ, მაგრამ ევროპულ სარბიელზე გამოცდილებაც აუცილებელია.
"აიაქსს" კარგი ახალგაზრდული და მზარდი გუნდი ჰყავს, ჩვენმა ახალგაზრდებმა კი საჭირო გამოცდილება მიიღეს".
ბილბაოს "ატლეტიკმა" მოსკოვის "ლოკომოტივი" 1:0 დაამარცხა, რაც პირველ შეხვედრაში 1:2 დამარცხების შემდეგ მერვედფინალში გასასვლელად საკმარისი აღმოჩნდა.
აღსანიშნავია, რომ ესპანელებმა გოლი მე-60-ე წუთზე ამორებიეტას გაძევების შემდეგ, ორიოდ წუთში გაიტანეს. თავი ბასკების ლიდერმა მუნიაინმა გამოიჩინა.
კიდევ ერთმა ესპანურმა გუნდმა, მადრიდის "ატლეტიკომ" რომის "ლაციოსთან" საშინაო შეხვედრაშიც იმარჯვა. ესპანელებს პირველი შეხვედრა სტუმრად 3:1 ჰქონდათ მოგებული და, ფაქტობრივად შემდეგ ეტაპზე გასვლა განაღდებული ჰქონდათ. მადრიდელებმა ამჯერად გოდინის გოლით მონიმალური სხვაობით გაიმარჯვეს.
ევროპალიგა. 1/16 ფინალი. საპასუხო მატჩები
ბილბაო-ლოკომოტივი 1:0 (1:2)
გოლი: 1:0 მუნიანინი (62)
ბრიუგე-ჰანოვერი 0:1 (1:2)
გოლი: 0:1 დიუფი (21)
პაოკ-უდინეზე 0:3 (0:0)
გოლები: 0:1 დანილო (6), 0:2 ფლორესი (15), 0:3 დომიცი (51) პენ
პსვ ეინდჰოვენი-ტრაბზონსპორი 4:1 (2:1)
გოლები: 1:0 მერტენსი (15) პენ, 2:0 მატავზი (31), 3:0 სტროოტმანი (38), 3:1 ილმაზი (41), 4:1 მატავზი (52)
ტვენტე-სტიაუა 1:0 (1:0)
გოლი: 1:0 ჩადლი (29)
ვალენსია-სტოკ სიტი 1:0 (1:0)
გოლი: 1:0 ხონასი (24)
ანდერლეხტი-ალკმაარი 0:1 (0:1)
გოლები: 0:1 მარტენსი (54)
ატლეტიკო-ლაციო 1:0 (3:1)
გოლები: 1:0 გოდინი (48)
ბეშიქთაში-ბრაგა 0:1 (2:0)
გოლები: 0:1 ლიმა (25)
მანჩესტერ იუნაიტედი-აიაქსი 1:2 (2:0)
გოლები: 1:0 ერნანდესი (6), 1:1 ოზბილიზი (38), 1:2 ბლინდი (87)
მეტალისტი(ხ)-ზალცბურგი 4:1 (4:0)
გოლები: 1:0 ჰინტერეგერი (28) ს.კ-ში, 1:1 იანტშერი (57), 2:1 კრისტალდო (62) 3:1 ბლანკო (63), 4:1 ბლანკო (87)
ოლიმპიაკოსი-რუბინი 1:0 (1:0)
გოლები: 1:0 ჯებური (14)
სპორტინგ-ლეგია 1:0 (2:2)
გოლები: 1:0 ფერნანდესი (84)
შალკე-ვიქტორია 2:1 დ.დ (1:1)
გოლები: 1:0 ჰუნტელაარი (8), 1:1 რაიტორალი (88), 2:1 ჰუნტელაარი (106)
სტანდარდი-ვისლა 0:0 (1:1)
1/8-ფინალში გუნდები შემდეგნაირად დაწყვილდნენ:
"მეტალისტი"-"ოლიმპიაკოსი"; "სპორტინგი"-"მანჩესტერ სიტი"; "ტვენტე"-"შალკე"; "სტანდარდი"-"ჰანოვერი"; "ვალენსია"-პსვ; "ალკმაარი"-"უდინეზე"; "ატლეტიკო"-"ბეშიქთაში"; " მანჩესტერი"-"ბილბაო".
მერვედფინალური მატჩები 8 და 15 მარტს გაიმართება.
