ბილბაოს "ატლეტიკის" თავდამსხმელმა ფერნანდო ლორენტემ "მანჩესტერ იუნაიტედთან" ევროპის ლიგის საპასუხო 1/8 ფინალური მატჩის შემდეგ ემოციები არ დაფარა.ლორენტემ 2:1 მოგებულ შეხვედრაში ერთი გოლი გაიტანა და თავის გუნდს მეოთხედფინალში გასვლაში დაეხმარა.
"ევროპის ლიგის 1/8 ფინალს ყოველდღე არ თამაშობ. ამ ეტაპზე "მანჩესტერ იუნაიტედთან" გამარჯვება კი სასწაულად შეიძლება მივიჩნიოთ. ეს უბრალოდ დაუჯერებელია.
უნდა ვაღიაროთ, რომ პირველ ნახევარში გაგვიჭირდა და ზოგიერთ ეპიზოდში მანჩესტერელთა ზეწოლას ვგრძნობდით. მაგრამ ასეთ გუნდთან შეხვედრაში ეს სრულიად ბუნებრივია", - განაცხადა ლორენტემ.
