მილანის "ინტერის" მცველმა ხავიერ ძანეტიმ სპლიტის "ჰაიდუკთან" ევროპის ლიგის მესამე საკვალიფიკაციო ეტაპის პირველი მატჩის წინ კლუბში ახალგაზრდა ფეხბურთელების მნიშვნელობაზე ისაუბრა."ბევრი ახალგაზრდა მოთამაშე გვყავს. ჩვენ, როგორც უფრო გამოცდილი ფეხბურთელები, მათ უნდა დავეხმაროთ. ისინი კლუბის მომავალს წარმოადგენენ - დიდ მომავალს. ეს ყველასთვის მნიშვნელოვანი სეზონია, რადგან ბევრი ცვლილება განვახორციელეთ. ამაში დარწმუნებული ვარ.
ვიცით, რომ სპლიტის "ჰაიდუკთან" შეხვედრაში ხორვატიაში გულშემატკივართა სერიოზულ წინააღმდეგობას წავაწყდებით, მაგრამ ვფიქრობ, რომ ბევრი ჩვენგანი მსგავს მდგომარეობას შეეჩვია. უნდა ვეცადოთ, მატჩი გააზრებულად ჩავატაროთ და საუკეთესო თვისებები გამოვავლინოთ, რომლებიც დაგვეხმარება", -
მომზადებულია Goal.com-ის მიხედვით
