"ნიუკასლმა" ბოლო თვე-ნახევარში სატურნირო მდგომარეობა მკვეთრად გამოასწორა: 6-დან 4 თამაში მოიგო, აქედან სამჯერ - საშინაო შეხვედრაში, ცხრილში სამი საფეხურით დაწინაურდა და გასავარდნ ზონას უკვე 9 ქულით დაშორდა. სამშვიდობოს თავის დაგულების შემდეგ, ალან პარდიუს თქმით, მის გუნდს ახალი მიზანი აქვს - ევროპალიგაზე რაც შეიძლება, შორს გავიდეს. 7 მარტს ჯორდებმა "ანჟისთან" გასვლაზე 0:0 ითამაშეს. რასაკვირველია, განმეორებით შეხვედრაში ეს მათ შანსებს ერთიორად ზრდის. უქმეებზე "სტოკ სიტისთან" 2:1-ის შემდეგ "კაჭკაჭების" თავკაცმა ჟურნალისტების შეკითხვებს პრესკონფერენციაზე უპასუხა:"ევროპალიგაზე შესანიშნავი შანსი გვაქვს 1/4-ფინალში გასასვლელად. გულშემატკივრებს ესმით ეს
ამის შემდეგ ჩვენ მთლიანად სხვა რეალობაში აღმოვჩნდით. იმისთვის, რომ ქვედა ლიგაში დაქვეითება თავიდან ავიცილოთ, დარჩენილ 9 შეხვედრაში 7 ქულა გვჭირდება, რასაც, დარწმუნებული ვარ, აუცილებლად მივაღწევთ. შეგვიძლია, სეზონის ფინიშზე ისევე ძლიერად ავთამაშდეთ, როგორც შარშან ეს "ევერტონმა" გააკეთა. ზამთარში მოსული ფეხბურთელები ამაში ძალიან დაგვეხმარებიან".
ყოველდღიური სპორტული გაზეთი "ლელო"
ასევე იხილეთ:
ალან პარდიუ: "ნიუკასლის" გასვლა ჩემპიონთა ლიგაში ტიტულის მოგების ტოლფასი იქნება
