8 ივლისი. სერავალე. ოლიმპიკო. 400 მაყურებელი
ფაეტანო: გოცი, ვალენტინი, ბორონი, რიკი (68. ვიროლი), მორონი, დელა ვალე, პელეგრინო, ჯარდი, რაჯინი (90. უგოლინი), ბუჩი, რინალდი.
სათადარიგოები: დიმეტო, მენჯი, მარიანი, რინალდი, დი ლუკა
ზესტაფონი: მამალაძე - ბენაშვილი, კობახიძე, ხიდეშელი, ელიავა - ძარია (70. გრიგალაშვილი), გორგიაშვილი, ბაბუნაშვილი, მიქაბერიძე (64. დვალი) - ფიფია, ლომია (64. გელაშვილი).
სათადარიგოები: კვასხვაძე, ონიანი, დაუშვილი, მაკარიანი
გაფრთხილება: რაჯინი (40), რიკი (57), ბენაშვილი (64), რინალდი (81)
არბიტრი: ი. როსადოსი (ანდორა)
მსაჯის მიერ დამატებულ მეოთხე წუთზე ჯაბა დვალის თავური
"ზესტაფონმა", რომელსაც საშინაო გამარჯვების შემდეგ, თავი უკვე ქუდში ჰქონდა, "ფაეტანოსთან" განმეორებით მატჩში გადახალისებული შემადგენლობით ითამაშა - კარში რიონ კვასხვაძის ადგილი ზურაბ მამალაძემ დაიკავა, დაცვის ცენტრში გიორგი ონიანი მამუკა კობახიძემ ჩაანაცვლა, ნახევარდაცვაში მურთაზ დაუშვილისა და შოთა გრიგალაშვილის ნაცვლაც თორნიკე გორგიაშვილმა და გიორგი მიქაბერიძემ ითამაშეს, ნიკოლოზ გელაშვილისა და ჯაბა დვალის დუეტი კი გოგი ფიფიამ და საბა ლომიამ შეცვალეს.
მართალია, გეგუჩაძემ ძირითადი შემადგენლობის სამი წევრი მაინც ჩართო თამაშში, მაგრამ გამარჯვებისთვის არც ეს აღმოჩნდა საკმარისი. მოკლედ, "ფაეტანოსთან" გასეირნება უკვე წარსულია, წინ კი 15 ივლისია, როცა მეორე რაუნდში "ზესტაფონი" გაცილებით ძლიერ მეტოქეს, სლოვაკურ "დუკლას" ესტუმრება. იმერული კლუბის რეალური ძალაც სწორედ მაშინ გამოჩნდება.
