არის! კუპერმა ატლეტიკოს ჩაუქროლა

ევროპის ლიგის ჯგუფური ეტაპის ბოლო საღამოს მიმოხილვა "არისის" მიერ ჩატარებული მორიგი შთამბეჭდავი მატჩით უნდა დავიწყოთ. ექტორ კუპერის გუნდის ბედი მისსავე ხელში იყო – "არისს" მეთექვსმეტედფინალში გასასვლელად "რუსენბორგის" დამარცხება სჭირდებოდა და ასეთ შემთხვევაში გერმანიაში მიმდინარე მატჩის შედეგი ყოველგვარ აზრს დაკარგავდა.

სალონიკელებმა ამოცანა წარმატებით შეასრულეს, პარალელურად მიმდინარე შეხვედრაში კი "ატლეტიკომ" მხოლოდ ფრეს მიაღწია და ჯგუფური ეტაპის ერთ-ერთი უმთავრესი სენსაციის შემოქმედად საქართველოს ეროვნული ნაკრების ყოფილი თავკაცი იქცა. ევროპის ლიგა კი ფლეი ოფში აწ უკვე ყოფილი ტრიუმფატორის გარეშე გაგრძელდება.

კლუბების სახელწოდებების მიხედვით, ტურის ცენტრალური მატჩი ტურინში გაიმართა, მაგრამ რაკი ყოველგვარი პრაქტიკული მნიშვნელობა დაკარგული ჰქონდა, მასზე დიდხანს აღარ შევჩერდებით. "ბებერმა ქალბატონმა" ჯგუფური რაუნდი ექვსი ფრეთი დაასრულა, "ლეხმა" კი კიდევ მოიგო და პირველი ადგილისთვის ბრძოლაში "მანჩესტერ სიტის" მხოლოდ ბურთების უარესი სხვაობით ჩამორჩა.

საფრანგეთში "ლილმა" დიდი ბრძოლის გარეშე გატეხა "გენტი" და ბელგიელებს ფლეი ოფში გამსვლელი ადგილი ცხვირწინ ააცალა. ათენში კი ადგილობრივმა აეკ-მა ვერ ივარგა, პირველ ტაიმში ისმაელ ბლანკომ "ზენიტის" კარში დანიშნული პენალტი მიზანს ააცილა, რის შემდეგაც არაოპტიმალური შემადგენლობით მოთამაშე რუსთა უფრო მაღალმა კლასმა თავისი გაიტანა და "ზენიტმა" ჯგუფში ქულათა მაქსიმუმი დააგროვა. აეკ-ის უნიათობით კი "ანდერლეხტმა" მშვენივრად ისარგებლა და მას მეორე ადგილი წაართვა.

ბოლო ორ ჯგუფში კი ყველაფერი ისედაც ნათელი იყო. "ხეტაფემ" და "დებრეცენმა" კარი გაიჯახუნეს, "მეტალისტმა" კიდევ ერთ ღირსეულ შედეგს მიაღწია.


A ჯგუფი

იუვენტუსი-მანჩესტერ სიტი 1:1
გოლები: 1:0 ჯანეტი (43), 1:1 ჟო (77)

ზალცბურგი-ლეხი 0:1
გოლი: 0:1 სტილიჩი (30)

1. მანჩესტერ სიტი 6 3 2 1 11-6 11
2. ლეხი 6 3 2 1 11-8 11
3. იუვენტუსი 6 0 6 0 7-7 6
4. ზალცბურგი 4 0 2 4 1-9 2


B ჯგუფი

ბაიერი-ატლეტიკო 1:1
გოლები: 1:0 ჰელმესი (69), 1:1 მერიდა (72)

არისი-რუსენბორგი 2:0
გოლები: 1:0 სესარესი (45), 2:0 ფატი (90)

1. ბაიერი 6 3 3 0 8-2 12
2. არისი 6 3 1 2 7-5 10
3. ატლეტიკო 6 2 2 2 9-7 8
4. რუსენბორგი 6 1 0 5 3-13 3

C ჯგუფი

ლილი-გენტი 3:0
გოლები: 1:0 ობრანიაკი (30), 2:0 ფრო (56), 3:0 სოუ (89)

ლევსკი-სპორტინგი 1:0
გოლი: 1:0 მლადენოვი (45)

1. სპორტინგი 6 4 0 2 14-6 12
2. ლილი 6 2 2 2 8-6 8
3. გენტი 6 2 1 3 8-13 7
4. ლევსკი 6 2 1 3 6-11 7


G ჯგუფი

აეკ-ზენიტი 0:3
გოლები: 0:1 ბუხაროვი (44), 0:2 როსინა (67), 0:3 დენისოვი (88)

ანდერლეხტი-ჰაიდუკი 2:0
გოლები: 1:0 სუტერი (12), 2:0 მ. სუარესი (41)

1. ზენიტი 6 6 0 0 18-6 18
2. ანდერლეხტი 6 2 1 3 8-8 7
3. აეკ 6 2 1 3 9-13 7
4. ჰაიდუკი 6 1 0 5 5-13 3


H ჯგუფი

შტუტგარტი-ოდენსე 5:1
გოლები: 1:0 გებჰარტი (20), 2:0 ჰოგი (48. ს.კ.), 3:0 გენტნერი (65), 4:0 პოგრებნიაკი (70), 4:1 პ. უტაკა (72), 5:1 მარიკა (90)

ხეტაფე-იანგ ბოიზი 1:0
გოლი: 1:0 სორპა (15)

1. შტუტგარტი 6 5 0 1 16-6 15
2. იანგ ბოიზი 6 3 0 3 10-10 9
3. ხეტაფე 6 2 1 3 4-8 7
4. ოდენსე 6 1 1 4 8-14 4


I ჯგუფი

პსვ-მეტალისტი 0:0

დებრეცენი-სამპდორია 2:0
გოლები: 1:0 კაბატი (48), 2:0 კაბატი (86)

1. პსვ 6 4 2 0 10-3 14
2. მეტალისტი 6 3 2 1 9-4 11
3. სამპდორია 6 1 2 3 4-7 5
4. დებრეცენი 6 1 0 5 4-13 3