საქართველოს 17-წლამდელთა ნაკრებმა ბაქოში "კასპიის თასი" წარმატებით დაიწყო. ვასილ მაისურაძის გუნდმა პირელ მატჩში ყაზახი თანატოლები 5:1 გაანადგურა, მეორეში კი ტაკიჯებს კიდევ უფრო სოლიდურად, 5:0 სძლია.პირველ შეხვედრაში ანგარიში ყაზახეთის ნაკრებმა გახსნა 26-ე წუთზე, მაგრამ ქართველებმა უპირატესობა მალევე იგდეს ხელთ და მეტოქეს შანსი არ დაუტოვეს. ახვლედიანისა და მზევაშვილის გოლებით პირველი ტაიმი 2:1 მოვიგეთ, მეორე ნახევარში კი თავი მაჭავარიანმა, მზევაშვილმა და მელიქიძემ გამოიჩინეს.
საქართველოს ნაკრებმა ყაზახეთთან ამ შემადგენლობით ითამაშა: ადამია, გაბაძე, ჩაკვეტაძე, ჭანტურია, გოროზია, ჭეჭელაშვილი (მელიქიძე), ცინცაძე (მაჭავარიანი), ახვლედიანი, პაპუნაშვილი (მაკარაძე), კაკაბაძე
ტაჯიკეთთან მატჩში კი კვლავ დუბლი შეასრულა ალეკო მზევაშვილმა, თითო გოლი კი ჭეჭელაშვილის, კაკაბაძისა და დარციმელიას ანგარიშზეა.
ტაჯიკებთან მაისურაძემ ეს ფეხბურთელები გაამწესა: ადამია, გუგუშვილი, ჩაკვეტაძე, მელიქიძე, გოროზია (ჭანტურია), ცინცაძე (ჭეჭელაშვილი), მაჭავარიანი, ახვლედიანი (პაპუნაშვილი), მაკარაძე, წილოსანი (დარციმელია), მზევაშვილი (კაკაბაძე).
ჯგუფური ეტაპის ბოლო ტურის წინ ჩვენს ჯგუფში ასეთი მდგომარეობაა:
1. ესპანეთი 2 2 0 0 14-0 6
2. საქართველო 2 2 0 0 10-1 6
3. ტაჯიკეთი 2 0 0 2 0-11 0
4. ყაზახეთი 2 0 0 2 1-13 0
ჯგუფების გამარჯვებულები ერთმანეთს ფინალში შეხვდებიან. მეორე ჯგუში მასპინძელი აზერბაიჯანი, თურქეთი, უზბეკეთი და ყირგიზეთი თამაშობენ. ბოლო ტურში, რომელიც ხვალ გაიმართება, საქართველოს ნაკრებს ესპანეთთან მხოლოდ გამარჯვება სჭირდება.
