ბაქოში "კასპიის თასის" გათამაშება დასრულდა. საქართველოს 17-წლამდელთა ნაკრები, რომელმაც ჯგუფური ეტაპი ესპანეთთან ფრითა და მეორე ადგილით დაასრულა, მესამე ადგილისთვის მასპინძელ აზერბაიჯანს დაუპირისპირდა. მატჩის ძირითადი დრო 1:1 დასრულდა. აზერბაიჯანელები მე-8 წუთზე თერთმეტმეტრიანით დაწინაურდნენ, 26-ეზე კი თორნიკე მაჭავარიანმა გაათანაბრა. ძირითად დროში გოლი აღარ გასულა და საქმე პენალტების სერიაზე მიდგა, სადაც ქართველებმა სამი დარტყმა გააფუჭეს და მასპინძლებმა 3:0 გაიმარჯვეს.
ვასილ მაისურაძის გუნდმა ამ შემადგენლობით ითამაშა: ადამია, გაბაძე, ჩაკვეტაძე, მელიქიძე, ჭანტურია, ცინცაძე, ჭეჭელაშვილი, ახვლედიანი, დარციმელია (მზევაშვილი), გუგუშვილი (მაკარაძე), მაჭავარიანი (პაპუნაშვილი).
ტურნირი თურქეთის ნაკრებმა მოიგო,
ყოველდღიური სპორტული გაზეთი
"ლელო"
