ქუთაისში ესპანეთის ახალგაზრდულ ნაკრებთან 2:7 წაგების შემდეგ საქართველოს ახალგაზრდული ნაკრები ესპანეთში გაემგზავრა, სადაც დღეს, 5 სექტემბერს უკვე პირინეელები გვიმასპინძლებენ. გუნდის მენეჯერ ლევან რამიშვილის თქმით, მთავარ მწვრთნელ ოთარ გაბელიას შემადგენლობაში ცვლილებები არ განუხორციელებიან და იმავე ფეხბურთელებს დაეყრდნობა.
მეკარეები: გიორგი მაკარიძე ("ლე მანი", საფრანგეთი), თორნიკე ზარქუა ("სპარტაკი", ცხინვალი)
მცველები: ნიკოლოზ აფაქიძე ("ბაია", ზუგდიდი), ლევან კაკუბავა ("დინამო", თბილისი), სოლომონ კვერკველია ("რუბინი", რუსეთი), ნიკოლოზ ჯიშკარიანი ("გაგრა"), ივანე კანდელაკი ("სკონტო", ლატვია), ლაშა კალანდაძე ("გაგრა"), ავთანდილ ბრაჭული ("რუბინი", რუსეთი)
ნახევარმცველები: გივი იოსელიანი ("ტორპედო", ქუთაისი), ვალერი ყაზაიშვილი
თავდამსხმელები: ირაკლი შეყილაძე ("ემპოლი", იტალია), გიორგი ჭანტურია ("ვიტესი", ჰოლანდია), ლევან მჭედლიძე ("ემპოლი", იტალია), ირაკლი ქობალია ("ბაია", ზუგდიდი).
მატჩი ქალაქ ლუგოს სტადიონ "უგო კაროზე" 22:45 საათზე დაიწყება. საქართველოს ნაკრები 2 სექტემბრიდან ესპანეთშია და განმეორებითი მატჩისთვის ემზადება. გაბელიამ ფეხბურთელები ჯერ ლუგოს ერთ-ერთ სტადიონზე ავარჯიშა, გუშინ კი - "უგო კაროზე".
მატჩს რუმინელი მსაჯები მოემსახურებიან, არბიტრი იშტვან კოვაჩი იქნება.
ყოველდღიური სპორტული გაზეთი "ლელო"
