უეფას ოფიციალურმა ვებგვერდმა საქართველოს 17-წლამდელთა ნაკრებსა და მის თავდამსხმელზე, დავით ჯიქიაზე წერილი გამოაქვეყნა, რომელსაც უცვლელად გთავაზობთ.ქართველი პელე თავისი გუნდით ამაყობს
დენ როსი ლუბლიანადან
ევროპის 17-წლამდელთა ჩემპიონატის ნახევარფინალურ შეხვედრას ტრიბუნიდან თვალს თვით საქართველოს პრეზიდენტი ადევნებდა. ეს კი დავით ჯიქიას მისი გუნდის წარმატების მნიშვნელობას კიდევ ერთხელ ახსენებდა.
პირველსავე ტაიმში ფეხბურთელის გაძევებამ საქართველოს ნაკრების ამოცანა მნიშვნელოვნად გაართულა, რომელსაც ფინალში ჰოლანდია-გერმანიის წყვილის კიდევ ერთხელ გამეორება სულაც არ სურდა.
ალბერტ სტეივენბერგის შეგირდებმა უმცირესობაში დარჩენილი მეტოქის გატეხვა მხოლოდ 64-ე წუთის შემდეგ შეძლეს. მატჩის უკანასკნელ წუთებზე
მატჩის დასრულების შემდეგ uefa.com საქართველოს ნაკრების თავდამსხმელ დავით ჯიქიას ესაუბრა.
"თამაში მართლაც კარგი გამოვიდა. კარგად ვიცავდით თავს, - თქვა ფეხბურთელმა. - მაგრამ ჩვენი კაპიტნის გაძევების შემდეგ ჰოლანდიელები ჩვენზე უკეთ გამოიყურებოდნენ და დამსახურებულად გაიტანეს".
ვასილ მაისურაძის გუნდი 17-წლამდელთა შორის წლევანდელი ევროპის ჩემპიონატის ნამდვილი აღმოჩენა გახდა. მან ტურნირზე წარმატებით დაძლია ჯგუფური ეტაპი, სადაც ისეთი მეტოქეები ჰყავდა, როგორებიც გერმანია და საფრანგეთია. "ჩვენ ტურნირზე გამოსვლით კმაყოფილნი ვართ, - თქვა ტექნიკურმა ფორვარდმა, რომელსაც კოლეგებმა მეტსახელად პელე შეარქვეს. - ამაყი ვარ ყველა ჩემი თანაგუნდელით და მინდა მათ თავდადებისთვის მადლობა გადავუხადო. მათ ბრწყინვალედ ითამაშეს და ბოლომდე იბრძოლეს.
საქართველოს ნაკრებისთვის ეს ევროპის 17-წლამდელთა ჩემპიონატზე პირველი ნახევარფინალი იყო და მიუხედავად მარცხისა, ტურნირი ჩვენთვის წარმატებული იყო. მომავალში კი, იმედი მაქვს, კიდევ უფრო უკეთესად გამოსვლასაც შევძლებთ".
საქართველოს ნაკრების წლევანდელ ასპარეზობას სხვაგვარად ვერ უწოდებ, თუ არა მქუხარეს. თავად ქვეყნის პრეზიდენტი ჩამოვიდა სლოვენიაში, რათა ახალგაზრდა ფეხბურთელებისთვის ჰოლანდიელებთან მატჩში მხარი დაეჭირა.
ამის შესახებ ინფორმაცია ქართველი ფეხბურთელებისთვის თავიდან გასაიდუმლოებული იყო, თუმცა მათ შუა თამაშში შეიტყვეს სახელმწიფოს მეთაურის ტრიბუნაზე ყოფნის ამბავი.
"თამაშამდე პრეზიდენტის ჩამოსვლის შესახებ არაფერი ვიცოდით, მაგრამ თამაშის მსვლელობისას გავიგეთ, რომ ის სტადიონზე იმყოფებოდა, - აღიარა ჯიქიამ. - როდესაც ის დავინახეთ, კიდევ უფრო მეტი თავდადებით ავთამაშდით.
ამ ფაქტმა ჩვენი მოტ
ივაცია მნიშვნელოვნად გაზარდა. სახელმწიფოს მეთაურის სლოვენიაში ვიზიტის გამო სიამაყის გრძნობა დაგვეუფლა. მართალია, ჰოლანდიელებთან დამარცხების გამო გულდაწყვეტილნი ვართ, მაგრამ პრეზიდენტის ჩამოსვლამ გვაგრძნობინა, რომ ტურნირზე კარგად გამოვედით. ნახევარფინალში გასვლაც ჩვენთვის მიღწევაა", - თქვა თავდამსხმელმა.
