საქართველოს 19-წლამდელთა ნაკრები ევროპის ჩემპიონატის ჯგუფურ ეტაპზე ბოლო მატჩს თურქ თანატოლებთან მართავს.გია ცეცაძის შეგირდებმა ანგარიშის გახსნა მესამე წუთზევე შეძლეს. გატანილი გოლის ავტორი ავთანდილ ენდელაძეა.
თუმცა თურქებმა სულ მალე გათანაბრებაც მოახერხეს და ანგარიშში დაწინაურებაც - დუბლით ოქან დენიზი გამოირჩა, რომელმაც ბაჩო მიქავას კარი მე-16 და მე-18 წუთებზე დალაშქრა.
შეხვედრის პირველივე ტაიმში, 28-ე წუთზე გათანაბრების შანსი ჰქონდა ნიკა კაჭარავას, თუმცა მისივე წაქცევისთვის დანიშნული 11-მეტრიანიდან გატანა ვერ მოახერხა.
მეორე ტაიმში ნიკამ საწადელს მაინც მიაღწია - 50-ე წუთზე ონურჯან პირის კარში ბურთი შეაგდო
თურქებმა წინ გასვლა მალევე შეძლეს - რეჯეპ ნიაზმა ცეცაძის შეგირდებს იმედის ნაპერწკალი 58-ე წუთზე გაუქრო.
შეგახსენებთ, საქართველოს 19-წლამდელთა ნაკრებს ნახევარფინალში გასვლის თეორიული შანსი რჩება - თურქებთან მოგებასთან ერთად, ჩვენთვის სასურველი შედეგი პარალელურად მიმდინარე სერბებისა და ფრანგების შეხვედრაშიც უნდა დაფიქსირდეს.
სამწუხაროდ, ფრანგებმა სერბებთან დაწინაურება შეძლეს - 1:0.
ასევე იხილეთ:
U19. საქართველო VS თურქეთი - პრესტიჟის მატჩი
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
ბიჭებმა კაცურად წააგეს, ქართველს არავისი არ უნდა ეშინოდეს, არც მწვრთნელს და არც მოთამაშეს, ასე უნდა მოიგოს და ასე უნდა წააგოს.
ისე, არაფერი არაა გულდასაწყვეტი იმაში რომ წარმატებას ვერ ვაღწევთ, იმიტომ რომ რამე რომ მოვიგოთ მერე ვიღაც უჯიშოები გამოვლენ და იტყვიან რომ საქართველოში ყველაფერი იდეალურადაა და ეს წარმატებაც ასე მოვიდა.
აი, მაგათ არ ეღირსებათ ეგეთი ტრაბახი და ბაქიბუქი. მარაზმია როცა მთავრობა ესწრება ბავშვების თამაშს, თანაც მაშინ როცა დაწმუნებულები არიან რომ მოიგებენ.