თბილისის "დინამოს" ცენტრალური მცველი გიორგი გველესიანი დაუბრუნდა. კლუბის ოფიციალური საიტის ცნობით, ფეხბურთელმა უკვე გაიარა სამედიცინო შემოწმება, გააფორმა წელიწადნახევრიანი კონტრაქტი და გუნდს თურქულ შეკრებაზე შეუერთდება. 25 წლის გველესიანი, რომელიც თბილისის "დინამოს" აღზრდილია, ამ გუნდის ღირსებას 2016 წლის ზაფხულამდე იცავდა. "დინამოს" მაისურით მან 65 შეხვედრა ჩაატარა, გარკვეული დროით კი იჯარით ცხინვალის "სპარტაკშიც" თამაშობდა.
გველესიანი გასულ ზაფხულს, მშობლიურ კლუბთან კონტრაქტის ამოწურვის შემდეგ, უკრაინაში ცდილობდა დამკვიდრებას, თუმცა ლუცკის "ვოლინსა" და ლვოვის "კარპატიში" სხვადასხვა მიზეზთა გამო ვერ დარჩა.
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
