ირაკლი სიხარულიძე: არაფერია იმაზე კარგი, როცა შენი გუნდი ჩემპიონატის ლიდერია

AutoSharing Option
ბოლო ორ ტურში თბილისის "ლოკომოტივმა" ერთნაირი შედეგით, 5:0 მოიგო და 13 ქულით ეროვნული ლიგის ლიდერია.

- შუქურა-ლოკომოტივი 0:5 - "რკინიგზაში" ფრენაც სცოდნიათ [VIDEO]
- კოლხეთი-ლოკომოტივი 0:5 - ძნელად წარმოსადგენი [VIDEO]

უდავოდ გამოსარჩევია ირაკლი სიხარულიძის შედეგიანობა: 26 წლის თავდამსხმელმა ქობულეთის "შუქურასთან" დუბლი შეასრულა, 6 ტურში 6 გოლი გაიტანა და ბომბარდირებში ლიდერობს. არანაკლებ მნიშვნელოვანია, რომ მან ამ ბოლო შეხვედრებში 2 საგოლე გადაცემაც გაუკეთა მამია გავაშელიშვილს, რომელიც მას ერთი გოლით ჩამორჩება.

"თავდამსხმელისთვის პირადი სტატისტიკა ყოველთვის მნიშვნელოვანია, მაგრამ არაფერია იმაზე კარგი, როცა შენი გუნდი
ჩემპიონატის ლიდერია.

ორ მატჩში 10 გოლი გავიტანეთ, ისე, რომ საკუთარ კარში ერთიც არ მიგვიღია. ეს ჩვენს გუნდურობასა და ერთსულოვნებაზე მეტყველებს", - გახარებულია სიხარულიძე.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული