ყველაფერი "ზესტაფონის" ხელშია - თუ გია გეგუჩაძის გუნდმა დარჩენილ მატჩებშიც ასეთი ხარისხის ფეხბურთი აჩვენა, ჩემპიონობას დაუბრკოლებლად შესწვდება. უმაღლესი ლიგის ერთპიროვნულმა ლიდერმა უძლიერესთა შორის დასარჩენად მებრძოლ "სპარტაკს" დამაჯერებლად სძლია, უახლოესი მდევრის მარცხითაც ისარგებლა და პირველობა კიდევ უფრო გაიმყარა."სპარტაკისთვის" კი გუშინდელი დღე ორმაგად მტკივნეული გამოდგა - ზესტაფონში განცდილი მარცხის გარდა, ბადრი კვარაცხელიას გუნდის სატურნირო მდგომარეობა კონკურენტი "კოლხეთის" გამარჯვებამაც დაამძიმა.
"დავით აბაშიძეზე" პირველი ტაიმი მეტ-ნაკლებად თანაბარ ბრძოლაში წარიმართა. თითქოს სტუმრებს იმერეთიდან ქულის წაღების შანსიც ჰქონ
შეგახსენებთ, დისკვალიფიკაციის გამო მან და მურთაზ დაუშვილმა "დინამოსთან" მატჩი გამოტოვეს, გუშინ კი "ზესტაფონმა" ოპტიმალურთან მიახლოებული შემადგენლობით ითამაშა. მოედანზე არ გასულა "დინამოს" კარში გამარჯვების გოლის გამტანი გიორგი ჭანკოტაძე, ხოლო იმ შეხვედრის კიდევ ერთი გამორჩეული ფიგურა საბა ლომია სხვა რამდენიმე გამოცდილ ფეხბურთელთან ერთად საერთოდ ვერ მოხვდა გუნდის 18-კაციან განაცხადში.
1:0-ზე "სპარტაკს" გათანაბრების ერთადერთი შანსი ჰქონდა - მიხეილ ჯიშკარიანის ჯარიმა როინ კვასხვაძემ კუთხურზე მოიგერია, თავის მხრივ კი მასპინძელთაგან ანგარიშის გაზრდის შესაძლებლობა ხელიდან გელაშვილმა გაუშვა - მეკარესთან პირისპირ გავიდა, მაგრამ გამოცდილმა სოსო გრიშიკაშვილმა დარტყმის კუთხე შეუმცირა და საქართველოს ნაკრების ფორვარდმა მიზანს ააცილა.
შეცვლაზე შესულმა რატი წინამძღვრიშვილმა მატჩის მიწურულს პირადი ტრადიცია გააგრძელა - ამ სეზონში ხომ ყველა გოლი მაშინ გაიტანა, როცა სასტარტოში არ იყო გამწესებული. ასისტენტობა რატისაც გრიგალაშვილმა გაუწია, "ზესტაფონის" ნახევარმცველი გუშინ აშკარად გამორჩეული იყო.
15.04. ზესტაფონი. დ. აბაშიძე. 1 500 მაყურებელი
ზესტაფონი-სპარტაკი 2:0
გოლები: 1:0 გელაშვილი (52. გრიგალაშვილის პასით), 2:0 წინამძღვრიშვილი (80. გრიგალაშვილის პასით)
ზესტაფონი სპარტაკი
4-4-2 4-4-2
რ. კვასხვაძე გრიშიკაშვილი
ალადაშვილი ჭაფოძე
გ. ონიანი ბოიომო
მ. კობახიძე გ. ალავიძე
ელიავა მანჩხავა
მ. დაუშვილი დეკანოიძე
გრიგალაშვილი მგელაძე
ძარია მამუჩიშვილი
გორგიაშვილი ჯაკობია
დვალი მ. ბარაბაძე
გელაშვილი მეტრეველი
ზესტაფონი
69. გორგიაშვილი - აფციაური
71. გელაშვილი - წინამძღვრიშვილი
78. დვალი - ბაბუნაშვილი
სათადარიგოები: მამალაძე, ბენაშვილი, ხიდეშელი, ჭანკოტაძე
სპარტაკი
46. ჭაფოძე - სეფიაშვილი
54. მეტრეველი - ბუზალაძე
61. ალავიძე - მ. ჯიშკარიანი
სათადარიგოები: ნ. დაუშვილი, ტეტუნაშვილი, კილასონია, ზერეკიძე
გაფრთხილება: კობახიძე (33), ბოიომო (64), გელაშვილი (68)
არბიტრი: მ. ბეუქლიშვილი
.
